YEREMIA 21:11 - Alkitab Singog In Mongondow Masa In Tanaa

^11-12 Ki Tuhan in nopotabá kon inakó nopotaau in koyow tanaa kon motoḷuadí in datu in Yohuda, buí i Daud: “Indongogai onu inta poguman-Ku, Akuoi, ki Tuhan. Poḷongasidon sinbá inta moadil in pobayá pomuḷoi in singgai. Poḷuatdon in intau inta umuran pogamáan in intau inta nongawasa kon inia. Aka diá, yo aid moraat inta inaidanmu mokotagab kon torú-Ku naonda bo tuḷú inta diá kopiongan.”

YEREMIA 21:11 Mawu Ofanana

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 17:20

Poyaputdon in koyow-Ku kon datu mita bo bayongan in intau in Yohuda takin bayongan in intau in Yerusalem inta moitaḻib kon bonawang mita tatua.

YEREMIA 22:1

Ki Tuhan in nopotabá kon inakó minayá in komaḻig i datu in Yohuda, buí i Daud, sin mopotaau in koyow i Tuhan kon i datu, bo kon pogawainea mita, takin intau in Yerusalem. Naa in tosingogon mita i Tuhan kon i monia,

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

MIKHA 3:1

Indongogaidon, ei mongongawasa mita in Israel! Sabanarnea in bá kotaauanbí monimu onu inta moadil,