YEREMIA 20:4 - Alkitab Singog In Mongondow Masa In Tanaa

⁴ Ki Tuhan tontaní in noguman, ‘Iko in baḻíon-Ku sindoyó kon inimu tontaní bo kon i yobayatmu mita. Iko in mokoontongbí kon i monia in ḻimodon in musung monia. Bayongan in intau in Yohuda in pomayá-Kubí mako in kawasaan in datu in Babel; tongosilai kon i monia in akuton nobaḻí intau dinakop pobayá in Babel, bo ki agatnea in ḻimodon.

YEREMIA 20:4 Mawu Ofanana

DATU MITA 2 25:7

Ki adínea mita in iḻimod kon tayowonnea. Nopaḷut mako kon tua ki Zedekia in sinurak doman kon mata, bo inumantungan poḷat dinia kon Babel.

MAZMUR 73:19

Tongá kon bonu in tokokiap morimumud in mosia, totuubí motoyang in kopaḷutan monia.

YEREMIA 13:10

Bangusa inta moraat tanaa totok in pamandot bo diá motoḷutui kon i-Nakó. Mosia in moibada bo mosumba kon ilah mita ibanea. Tuamai mosia in mobaḻí naonda bo bintoḷ nopoḷok inta diá in mangaḻenea tua.

YEREMIA 13:19

Kotá mita in Yohuda kon dotá in toḷatan koyogotdon in kinopung, bo diádon in mokoḷuai kon pinongopungan tatua. Bayongan intau in Yohuda in diniadon kon pinoḷumbúan.”

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 20:6

Bo iko, Pasyhur, takin bayongan in motoḷuadímu in domokon doman bo akuton pobayá in Babel. Kon tua matoi in iko bo ḷobongon; natua doman in bayongan in yobayatmu inta ain nokidongog kon uboḷmu mita.’ ”

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 29:21

Ki Tuhan Inta Totok in mokawasa, Allah in Israel, ain nosingog soaḷ ki Ahab ki adí ḷoḷaki i Kolaya, bo soaḷ ki Zedekia ki adí ḷoḷaki i Maaseya inta nomaké in tangoi i Tuhan sin mopotaau kon inimu in soaḷ mita inta diá totuu. Ki Tuhan in noguman kon Sia in moposarakanbí kon i monia kon kawasa i Nebukadnezar datu in Babel inta moḻimod kon i monia kon tayowonmu.

YEREMIA 46:5

Táe Akuoi, ki Tuhan, nokoontong kon i monia inumundok sin moondok. Tontara mita monia in sinaḷow, bo noḷagui takin ondok bo diá bidon nobobui ná tumi.

YEREMIA 52:24

Koḻikud intua, ki Nebuzaradan in nodomok kon i Imang Moḷoben ki Seraya, ki Zepanya oḻitnea, toḷu in intau moḷoḷukad kon Baḷoi Tuhan,

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

SAMUEL 1 2:33

Táe, tobatú nongkon buímu, pomayá-Kudon mako in sia mobiag bo mogundoi kon i-Nakó mobaḻí imang. Tongá sia in mobaḻí mobilog bo mobiag takin gina umuran diá in kamang. Bayongan in buímu ibanea in koḻimodan.