YEREMIA 20:11 - Alkitab Singog In Mongondow Masa In Tanaa

¹¹ Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

YEREMIA 20:11 Mawu Ofanana

MAZMUR 129:2

“Akuoi in pinogutú in musung pinangkoi kon nobagupa in akuoi, táe mosia in diábí nokotaḷow kon inakó;

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

MAZMUR 40:14

O Tuhan, posaḷamatpa kaasí in akuoi, Tuhan ḷagidon tuḷungai in akuoi!

MAZMUR 47:2

Ponggoḷokapdon takin pia in gina, ei bayongan in bangusa! Dayowdon in ki Allah takin yogiow!

MAZMUR 6:10

Ki Tuhan in nokidongogbí kon oigumku bo notubagdon kon sambayangku.

MAZMUR 65:5

Pia in kamang in intau inta piniḻí-Mu, bo inoiní-Mu mogutun kon Baḷoi-Mu. Kami in pooroponbí in bayongan inta mopia kon Baḷoi-Mu, pogogutunan-Mu inta motusi.

MAZMUR 66:5

Angoidon bo indoiaidon in aid i Allah, totuu mokotongaw in bayongan inta inaidan-Nea kon sigad in intau!

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 45:16

Bayongan in intau inta nogaid kon patong berhala; in pokopooyáanbímai bo singkuḻeon.

YEREMIA 1:18

Indongogai! Iko in tayowanbí in intau mita kon butá tanaa, pinomayá datu mita in Yohuda, pomarenta mita, imang mita, bo rayat. Táe singgai naa Akuoi in mobogoi in ropot kon inimu sin monayow kon i monia. Iko in mobaḻídon naonda bo kotá inta dininding, naonda bo oigi uatoi bo dinding bitú. Mosia in diábí mokotaḷow kon inimu, sin Akuoi in moyotakinmu bo moḷukad kon inimu. Akuoi, ki Tuhan, ain nosingog.”

YEREMIA 1:8

Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

YEREMIA 15:15

Bo akuoi in noguman, “Tuhan, Iko in nomangaḻe. Toropdon bo tuḷungaipa kaasí in akuoi. Tuḻíaidon in mosia inta nogaḷow bo inta nomogutú kon inakó. Dika moiḻiu in sabar kon i monia modapot in mosia bain mokoḻimod kon inakó. Toropdon kon popisí in Iko dá akuoi in siningkuḻe.

YEREMIA 15:20

Iko in baḻíon-Ku naonda bo dinding porunggu kon i monia. Mosia in momarang kon inimu, táe diábí mokotaḷow kon inimu. Takinan-Kubí in iko sin moḷukad bo moposaḷamat kon inimu.

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YEREMIA 22:22

Tuamai, itoimu mita in modaitbí naonda bo inirup in tompot. Totakinmu mita in akutonbí mobaḻí intau sinokodakop, bo kotámu in poompáanmai bo pokopooyáanmai popisí in bayongan aidmu moraat.

YEREMIA 23:40

Akuoi in mopomiabí kon i monia mooyá bo mokooyá modapot in mononoi bo ukur monia tua in diábí koḻiongan in intau.”

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.