YEREMIA 20:1 - Alkitab Singog In Mongondow Masa In Tanaa

¹ Ki Imang Pasyhur ki adí i Imer in tongguḷu in moḷoḷukad kon Baḷoi Tuhan. Naonda in dinongognea in akuoi nopotaau in bayongan tua,

YEREMIA 20:1 Mawu Ofanana

DATU MITA 2 25:18

Koḻikud intua, ki Nebuzaradan in nodomok doman kon i Imang Moḷoben ki Seraya, ki Zepanya imang mototongod kon oaidan, moḷoḷukad kon ngara in Baḷoi Tuhan taya toḷu, monononggina i datu taya ḻima inta kon kotápa, tongguḷu totok in tontara, toḻindua in tongguḷu totok in tontara inta monoinutmai kon administrasi in tontara, bo intau moḷoben 60 ibanea.

TAWARIKH 2 35:8

Pogawai mita i Yosia in nobogoi doman in sumbangan kon imang mita, bo intau in Lewi nongkon bayongan in rayat. Pogawai mita inta inogoian in oaidan kon Baḷoi Tuhan, inta ki Imang Moḷoben ki Hilkia, bo ki Zakharia, bo ki Yehiel, taya toḷu tua in tumpaḷabí nobogoi kon imang mita in 2.600 in ki adí in domba bo bembé inta batáneapa bo 300 in sapi koḷakian sin nobaḻí sosumba kon poramean tatua.

YEREMIA 20:6

Bo iko, Pasyhur, takin bayongan in motoḷuadímu in domokon doman bo akuton pobayá in Babel. Kon tua matoi in iko bo ḷobongon; natua doman in bayongan in yobayatmu inta ain nokidongog kon uboḷmu mita.’ ”

YEREMIA 29:26

“Ki Tuhan ain noduí kon inimu nobaḻí imang nomaḷui kon i Yoyada, bo tanaa ikodon in pojabat inta moḷantu-ḷantud kon Baḷoi i Tuhan. Oaidanmu in momarenta sinbá bayongan intau nobundai inta tumangoi nabi, sinokig in rante uatoi kon sigogownea.

YEREMIA 37:15

Sinumorú totok in mosia kon inakó, bo nomarenta sinbá bongkugon in akuoi bo kurungon kon baḷoi i Yonatan, momomais in negara. Baḷoi tatua in binaḻídon ponjara.

OUMAN IN RASUL MITA 4:1

Kon wakutu in ki Petrus bo ki Yohanes koyogotpa in nongonguman takin in intau moantó kon tua, indoianmai yo imang mita itoi bo itoi in moḷoḷukad kon Baḷoi Tuhan takin intau mita in Saduki namangoidon kon i monia kon tua.

OUMAN IN RASUL MITA 5:24

Naonda itoi moḷoḷukad kon Baḷoi Tuhan bo imang mita itoi nokodongog kon onu inta pinoguman monia tua, mosia in noondok bo poḷat noḻibó mongo onu in nobaḻí kon rasul mita tatua.