YEREMIA 2:36 - Alkitab Singog In Mongondow Masa In Tanaa

³⁶ Moḷamemet totok in moiko in mayá kon dewa mita in bangusa ibanea sin mokituḷung! Moiko in notantú bidon kon pokudaion in Mesir, notongkai in moiko pinokudai in Asyur.

YEREMIA 2:36 Mawu Ofanana

TAWARIKH 2 28:16

Intau mita in Edom nomangkoidon bui nonubu kon Yohuda bo nodakop kon nobayong in intau. Tuamai ki Datu Ahas nopoigum kon i Tiglat-Pileser, datu in Asyur, sinbá mokidia mangoi in totuḷung.

YESAYA 20:5

Intau mita inta mopongata in Sudan bo mopoyunggaga kon Mesir in mooyábí bo morimumudon in kamangnea.

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

YEREMIA 2:23

Totuu mokobaḻí in iko in mosingog kon iko in diá moromú, bo Baal in diábí kon dodai in onda in dinuduianmu! Indoiai in dodiamu kon ḷopá, torop in aidmu moraat bo akudon! Iko in naonda bo unta kobaayan inta iḷanúan in ibog, moribatuk mamagí mamako diádon koḷamboian,

YEREMIA 2:33

Moiko in totuu mopandoi in mogaid kon siasat sinbá mokoangá kon gina in intau mita inta kinoibogmu. Bobay sundaḷpa inta totok in moromú in mobalajarpabí doman kon inimu!

YEREMIA 22:20

Ki Tuhan in noguman, “Ei intau in Yerusalem, bayádon in Libanon bo Basan, bo pomaḷúdon kon tua. Karakdon kon buḷud in Moab, sin bayongan in totakinmu in sinaḷowdon.

YEREMIA 22:22

Tuamai, itoimu mita in modaitbí naonda bo inirup in tompot. Totakinmu mita in akutonbí mobaḻí intau sinokodakop, bo kotámu in poompáanmai bo pokopooyáanmai popisí in bayongan aidmu moraat.

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

YEREMIA 37:7

noguman nanaa kon totabá i Datu Zedekia: “Pogumandon kon i Zedekia, ‘Tontara in Mesir inta nion tayo-tayow mangoi sin motuḷung kon inimu, in momurowbí bo mobui.

YEREMIA 46:12

Kaadaanmu inta mokooyá ain kinotaauan in bangusa mita. Karakmu in kinodongogandon in sinangkub in dunia. Tontara tobatú moidangat kon tontara ibanea; tumpaḷa in mosia moibaḻikotad kon butá.

OMBAḶ 4:17

Moḷopídon in mata nami in moindoi, mogoḷat mako kon totuḷung inta diá doman moiango-angoi. Kami in moharap mako kon totuḷung in bangusa tobatú, inta sabanarnea in diábí mokoogoi kon onu bo onu.

OMBAḶ 5:6

Kami in minayá noigu-igum mako kon Mesir, kami in noigum kon kaanon kon Asyur.

YEHEZKIEL 16:28

Táe diápabí doman moorop in iko; tuamai in aḷo-aḷowanmu mako in intau in Asyur. Iko in nobaḻí sundaḷ monia, táe diábí doman nokoorop in mosia kon inimu.

YEHEZKIEL 29:7

Kon dodai in mosia umandoḷ kon inimu, noputoḷ in iko bo noiturak kon iyok monia, dá ḻikud monia in noiḷogit.

HOSEA 10:6

Berhala tatua in diaanbí pobayá in Asyur sin ponombuinag kon i datu moḷantud. Israel in dinumudui kon tomayá inta nokopopisí kon in monia pinokopo oyámai bo siningkuḻe.

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!