YEREMIA 2:21 - Alkitab Singog In Mongondow Masa In Tanaa

²¹ Iko in pinomuḷa-Ku naonda bo pangkoi in anggur inta piniḻí-Ku nongkon batoḷ inta totok in mopia. Táe tanaa nobaḷuidon in iko, nobaḻídon pinomuḷa ḷoḷog bo diádon in baragunanea.

YEREMIA 2:21 Mawu Ofanana

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 80:8

O Allah Inta Totok in mokawasa, tompiadon bui in kami; bobuidon in kami takin pia in gina, sinbá mosaḷamat in kami.

MAZMUR 80:9

Umat-Mu in naonda bo pangkoi in anggur inta pinamping-Mu nongkon Mesir. Bangusa mita ibanea inuntun-Mu, bo pinomuḷa-Mu in pangkoi mita in kayu tatua kon butá monia.

IḶUAIAN 15:17

Bo Israel inatod-Mu kon tampat inta piniḻí-Mu popoutunan. Mosia in nogutun kon buḷud-Mu inta motusi, kon Baḷoi inta pinosindog-Mu takin ropot-Mu.

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YESAYA 27:2

Kon dodai intua ki Tuhan in moguman, “Podondongdon soaḷ gobá in anggur-Ku inta mogaga.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YESAYA 5:4

Onupa in musti pomiaan-Ku, inta diápa inaidan-Ku kon gobá in anggur-Ku tatua? Nongonu sin noiratbí in bungainea, bo deemanbí bungainea inta mopia ná inta inoḷat-Ku mako?

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YEREMIA 11:16

Nokoimontandon in Akuoi nonangoi kon i monia pangkoi in zaitun mobambar, nopuḻing in bungai in ayop inta mopia. Táe, tanaa takin singog in gotup inta motoyang turubon-Ku in daunnea mita bo putoḷon-Ku in bayongan in tanganea.

YEREMIA 11:17

Akuoibí in inta ain noposindog in Israel bo Yohuda, Akuoi, Tuhan Inta Totok in mokawasa. Táe tanaa in Akuoi ain nonomayá kon mopoangoi in bodito kon i monia. Mosiadon tontaní inta nokopopisí kon tua komintan, sin mosia in nogaidon kon inta moraat, tuata in noposumba in kuruban kon i Baal dá sinumorú in Akuoi.”

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

OMBAḶ 4:1

Buḷawan inta mopouḻi-uḻinag in nobuḷoḷowdon batu mita in Baḷoi Allah noiraritdon kon daḷan.

YEHEZKIEL 15:2

“Ei intau ilo-ilow, onu in noiḻiu kon pangkoi in anggur nongkon kayu ibanea kon kayuon? Onu in noiḷontú kon pangkoi in anggur nongkon pangkoi mita in kayu mita kon kayuon?

MATIUS 21:33

“Indongogaidon in poumpamaan ibanea tanaa,” guman i Yesus. “Oyúon in tobatú ki togi butá, sia in nomuḷa kon anggur bo iḻibunea sinondok in gobá tatua. Sia nongaḻi doman kon bubú tampat pomomugutan kon bungai in anggur, bo noposindong doman in ḷangkeang poḷoḷukadan kon pinomuḷa tatua. Onda intua gobá tatua pinotomoyónea kon mototomoyó bo sia minayá in ḻipú ibanea.

MARKUS 12:1

Noiduduimai kon tua ki Yesus mulaidon bui nosingog takin nomaké in poumpamaan kon imang mita itoi, guru mita in agama bo itoi mita intau Yahudi. Kai-Nia, “Oyúon tobatú intau nomuḷa kon anggur kon gobánea. Gobá tatua iḻibunea sinondok. Bo pinogaidannea doman kon tampat pomomugutan kon bungai in anggur. Sia nogaid doman kon ḷangkeang poḷoḷukadan. Onda intua pinotomoyónea in gobá in anggurnea tatua kon tongonumai intau mototomoyó bodongka minayá in sia kon ḻipú inta moyayú.

LUKAS 20:9

Ki Yesus in nongonguman doman kon intau mita tatua kon poumpamaan tanaa, “Oyúon in intau in nogaid kon gobá bo pinomuḷaannea kon anggur. Onda intua pinotomoyónea kon mototomoyó mita bodongka minayá in ḻipú ibanea noonggot kon tua.

YOHANES 15:1

Ki Yesus in noguman bui, “Akuoi in pangkoi in anggur inta mopia, bo ki Amá-Ku in monononggobánea.

ULANGAN 32:32

Sin mosia in moraat naonda bo Sodom bo Gomora, ná pangkoi in anggur inta pait bo bungainea in nobaḻí rasum.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

YOSUA 24:31

Kon dodai in ki Yosua nobiagpa, umat in Israel umuranbí nogundoi kon i Tuhan. Bo naonda in sia minatoi mosia in umuranbí doman nogundoi kon i Tuhan kon dodai in kon sigad monia tua oyúonpa in itoi mita inta ain nokoontong tontaní kon bayongan in yagi-yagi inta ain pinomia i Tuhan kon umat in Israel.