YEREMIA 2:19 - Alkitab Singog In Mongondow Masa In Tanaa

¹⁹ Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 2:19 Mawu Ofanana

DATU MITA IMITÁNEA 18:18

“Akuoi in deemanbí mononuyayow,” tubag i Elia, “táe ki tuang datubí tontaní. Ki Tuang datubí bo motoḷuadí i Tuang datu in mononuyayow. Pinongin mosumba kon berhala mita in Baal, Ki Tuang datu in iḻimimpatdon kon parenta mita i Tuhan.

TAWARIKH 2 12:5

Kon dodai intua ki Datu Rehabeam bo itoi mita in Yohuda ain noyosipun kon Yerusalem sin moḷagui kon i Sisak. Ki Nabi Semaya namangoi kon i monia bo noguman, “Nanaa in kai Tuhan, ‘Moiko in nonaḷámaidon kon i-Nakó, dá tanaa in taḷaan-Ku domandon in moiko modapot in moiko in kawasaandon i Sisak.’ ”

TAWARIKH 2 21:10

Nongkon tuadon Edom diádon sinumungkud kon Yohuda. Kon tungkuḷ doman tua kotá in Libna in nomarontak domandon. Tua mita in nobaḻí sin ki Yehoram in nonaḷámaidon kon i Tuhan, Allah inta sinumba in mogoguyangnea.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

MAZMUR 36:1

Kon i itoi in mododondong. Nongkon i Daud, mogogundoi i Tuhan.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 5:22

Dosa in intau moraat in naonda bo poyogaḷap inta modomok kon intau tatua.

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YESAYA 5:5

Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YEREMIA 1:16

Akuoi in mohukumbí kon umat-Ku, popisí in mosia binaradosa bo nonoḻikud kon i-Nakó. Mosia in noposumbadon in kuruban mita kon ilah mita ibanea, bo nomiadon kon patong mita poḷat sinumba monia.

YEREMIA 13:22

Degá moḻibó in moiko nongonu sin tua komintan in moiantugbí kon inimu, nongonu sin ḷambungmu in binerakbí bo moiko in pinakisa siniugan. Pokotaaudon kon tua in nobaḻí popisí in dosamu noiḻiudon in barong.

YEREMIA 2:17

Iko tontaní in nokopopisí kon bayongan inta nobaḻí kon inimu, sin kon tungkuḷ in iko kinapit-Ku kon binayáan, iko in nonoḻikud kon i-Nakó, Ki Tuhan Allahmu.

YEREMIA 3:22

Ei moiko komintan inta ain nonaḷámai kon Tuhan, pobuidon mangoi! Sia in monompiabí kon i monimu, bo baḻíon-Nea in moiko motoindudui. Moiko in moguman, “Oo, tanaa kami in mamangoi kon i Tuhan, sin Sia in ki Allah nami.

YEREMIA 4:18

Yohuda, ikobí tontaní inta nopoangoi in bodito tatua kon inimu. Kobobiagmu bo oaidmu mita in nokopopisí kon bayongan in roriga tatua tumurak kon ginamu.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

YEREMIA 5:24

Diábí kon dodai in onda in kinotoropan monimu in mohoromat kon i-Nakó, bokaka Akuoibí in inta nopoangoi in uyan, Akuoi doman in nobogoi kon inimu in sempo in posipunan kon boyó muḷoi in taong.

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEREMIA 7:19

Táe totuubí, deemanbí Akuoi in pinoyaat monia in gina, táe awakbí monia tontaní nodapot in mosia in nooyá.

YEREMIA 8:5

Táe nongonu sin moiko, umat-Ku in umuranbí monoḻikud bo monaḷámai kon i-Nakó? Moiko in rimigonbí in kumadai kon berhalamu, bo doí mobui mangoi kon i-Nakó!

YEHEZKIEL 23:30

inta nokopoangoi kon ukur diá mopia tanaa kon inimu. Iko in nobaḻí sundaḷ kon bangusa mita, bo noponajis in awakmu pinongin berhala mita monia.

YEHEZKIEL 39:24

Popoaid-Ku kon i monia podoyon kon aid monia nonajis bo aid monia inta moraat, bodongka taḷaan-Ku in mosia.”

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

HOSEA 13:9

Akuoi in morimumudbí kon i monimu, ei bangusa in Israel! Bo ki ine in mokotuḷung kon inimu?

HOSEA 14:1

Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

HOSEA 4:16

Moiko, ei intau in Israel, totuu motogat in gina! Naondabí in poḷoḷukad-Ku kon i monimu naonda bo domba kon rawang in bonok?”

HOSEA 5:5

Koḷoḷoḷatú in bangusa in Israel koontongandon totok, bo noponiata kon taḷá monia. Dosa monia in nokopopisí kon i monia noipintud bo noidodot, bo bangusa in Yohuda noḷabú takin monia.

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

HOSEA 9:1

Ei bangusa in Israel, dikadon morame bui kon singgai mita moḷobenmu ná bangusa mita ibanea. Moiko in nonaḷámaidon kon i Allahmu bo diá notoindudui kon i-Nia. Kon pomuḷoi in poḷoḻintogan kon gandum, moiko in nopotaḷui in awak saḷaku sundaḷ kon i Dewa Baal, bo mopia in gina in motarima kon gandum inta inanggapmu saḷaku tondan i dewa tatua kon inimu!

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

MIKHA 1:5

Bayongan tua in mobaḻíbí popisí in intau in Israel binaradosa bo nomarontak kon i Allah. Ki ine in nokopopisí kon Israel binaradosa? Tuata in Samaria inta ki iná in kotánea tontaní! Ki ine in nokopopisí kon Yohuda nosumba kon berhala? Yerusalembí tontaní ah!

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

SURAT I PAULUS KON JAMAAT RUM 3:18

bo mosia in diábí motoguondok kon i Allah.”

HAKIM MITA 10:13

Umpaka natua, yo moiko in umuranpabí doman nonoḻikudmai kon i-Nakó, bo minayá nosumba kon dewa mita. Yo naa in doí bidon in Akuoi mopoḷuat kon i monimu.