YEREMIA 2:15 - Alkitab Singog In Mongondow Masa In Tanaa

¹⁵ Musungnea in noganggor kon inia naonda bo singa, butánea in binaḻídon noḷogat bo diá in mangaḻenea, kotánea mita in nodait kinaan in tuḷú, pinomayádon mako diá in mogogutun.

YEREMIA 2:15 Mawu Ofanana

AYUB 4:10

Intau moraat moganggor bo mogaú, naonda bo singa mosia in moganggor. Táe pinomponan i Allah in bibig monia poḷat nomutoḷ kon ingipon mita monia.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

YESAYA 1:7

Ḻipúmu ain iyompat; kotámu mita in nodaitdon sinurub. Koonto-ontongmu in intau ango-angoi mogamá kon butámu bo morimumud kon bayongan yagi-yagi.

YESAYA 24:1

Ki Tuhan in moyompatbí kon dunia, modapot in mobaḻídon moḷogat bo moingongow. Baḻintuangon-Neabí in tudunea bo poyayiton in intaunea mita.

YESAYA 5:29

Tontaranea mita in moganggor naonda bo singa inta bagu nodomok kon kokaanonnea, bo nodia kon tua pinoḷagui, bo diábí in mokopoḷuat kon tua.

YESAYA 5:9

Dinongog-Ku in ki Tuhan Inta Totok in mokawasa in nongibot, “Baḷoi mita inta moḷoben bo inta mongogaga tanaa komintanbí taḷaanmai bo diá utunan.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 10:22

Indongogaidon! Oyúon in habar kon bangusa tobatú kon utuan nopomukádon kon doḻiok. Tontaranea in momaḻí kon kotá mita in Yohuda mobaḻí moingongow bo diádon in mogogutun. Ungkú mita in kayuon in mogadopdon kon tua.”

YEREMIA 25:30

Bayongan inta ain pinoguman-Ku kon inimu, ei Yeremia, mustibí potaaumu. Pogumandon kon i monia, ‘Singog i Tuhan in noguman noḷangon nongkon soroga; nongkon pinogutunan-Nea inta motusi Sia in nonggotup noḷawang kon umat-Nea. Bayongan in intau kon dunia in nokodongog kon kokow-Nea naonda bo mogogaid inta nomugut kon anggur kon pomomugutan.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 26:9

Mokobaḻíbí totok in iko in moguman podoyon kon tangoi Tuhan kon Baḷoi-Nea naa in mobaḻí naonda bo Silo, bo kotá tanaa in yompaton bo mobaḻí tampat inta diádon utunan.” Bo akuoi in iḻipung in intau mobayong.

YEREMIA 33:10

Ki Tuhan in noguman, “Intau in moguman kon tampat tanaa naonda bo padang gurun, diábí in intau andeka mahaḷuk in mogutun kon tua. Tosingogon monia in totuubí, sin kotá mita in Yohuda bo daḷan mita kon Yerusalem in diádon komintan in bonunea; Diá in intau andeka mahaḷuk inta nogutun kon tua.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 44:22

Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 51:38

Intau in Babel in moganggorbí naonda bo singa, bo monginggoi naonda bo ki adí in singa.

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

YEHEZKIEL 5:14

Iko in mobaḻídon apug mita inta diá in baragunanea bo bangusa mita inta kon ḻibumumai in morebeg kon inimu; bayongan in intau inta moitaḻib in yumayúbí kon inimu.

HOSEA 11:10

Ki Tuhan in noguman, “Umat-Ku in dumuduibí kon i-Nakó aka Akuoi moganggor naonda bo singa bo mopourot kon musung monia. Umat-Ku in ḻimikatbí in mamangoi nongkon dotá in toyopan sin mosumba kon i-Nakó.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

AMOS 3:12

Naonda bo gombala tobatú inta tongádon nokouḻí bui kon doyowa nosimpaḷ in sioḷ andeka bongoḷan tobatú in dombanea inta ain dinomok in singa, natua doman tongábí topiḻik in kotaḷáan in intau in Samaria inta tanaa pia-pia mako in mosiug kon tosiugannea inta mopia.”

AMOS 3:4

Degá moganggor in singa kon kayuon, aka diápa in sia mokouḻí kon kaanonnea? Degá moganggor in singa kon bonu in bubúnea aka diápa in sia mokoaḷap kon onu bo onu?

AMOS 3:8

Aka singa bo moganggor, yo ki inebí in diá moondok? Aka ki Tuhan Inta totok in moḷantud bo mosingog, yo ki inebí in tongá kibio-biómai bo diá mopotaau-taau mako in koyow-Nea?

NAHUM 2:11

Kon onda degá in kotá tatua in tanaa? Kotá inta ná angob ponondumunan in singa? Tampat popokaanan in ki adí mita in singa, tampat bobayáan in singa koḷakian bo kobaayan, tampat inta moaman kon i adínea mita?

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZEPANYA 2:5

Kinutukdon in moiko, ei intau in Pilistin, bangusa inta nogutun kon kinoouput in pintad. Ki Tuhan in nonantúdon kon hukuman kon inimu. Sia in moyopúbí kon i monimu, diábí tobatúmai in nongkon sigad monimu in kotaḻiban.

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

ZAKHARIA 11:3

Indongogaidon in amui in pongawasa mita noinggamádon in ponango-nangoian kon i monia! Indongogaidon in ganggor in singa mita kon kayuon; sin nogoguyaatdon in pinogutunan monia kinoouput in Ongkag in Yordan.

HAKIM MITA 14:5

Dá minayádon in ki Simson in Timna noyotakin in guranganea. Kon dodai in mosia noitaḻib kon gobá in anggur, ki Simson noyodungkuḷ in singa batánea tobatú. Singa tatua noganggor,