YEREMIA 19:6 - Alkitab Singog In Mongondow Masa In Tanaa

⁶ Tuamai, moiangoibí in wakutunea in tampat tanaa diádon tangoion Topet andeka Ḷopá in Hinom, táe Ḷopá Bidon Pororataan.

YEREMIA 19:6 Mawu Ofanana

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YEREMIA 19:11

Akuoi in mustibí moguman kon i monia kon ki Tuhan Inta Totok in mokawasa noguman nanaa, “Bangusa bo kotá tanaa in rimumudon-Kubí dá mobaḻí naonda bo kendi inta norimumud tatua inta diá bidon motaau tompiaan bui. Intau in moḷobongbí kon mayat mita monia kon Topet, sin diádon in poḷobongan ibanea.

YEREMIA 19:2

sin mayá moyotakin monia mayá in Ḷopá in Hinom mongin Bonawang Beling. Kon tua akuoi in musti mopotaau kon onu inta pinongoyow-Nea kon inakó.

YOSUA 15:8

Onda intua notakod nongin Ḷopá in Hinom ná toḷatan in buḷud, inta kinoukatan in Yerusalem, kotá in intau in Yebus. Nongkon tua sigad tatua pinotakod kon tudu in buḷud tatua kon dotá in toyopan kon Ḷopá in Hinom, kon popod in utuan Ḷopá in Repaim,