YEREMIA 19:4 - Alkitab Singog In Mongondow Masa In Tanaa

⁴ Tua in aidan-Ku sin bangusa tanaa in nonaḷádon kon i-Nakó. Mosia in noponajisdon in tampat tanaa pinongin noposumba in kuruban kon dewa mita inta diá kinotaauan monia, kon i mogoguyang monia bo kon datu mita in Yohuda. Mosia in nomonu doman kon tampat tanaa in dugú in intau mita inta diá kotaḷá.

YEREMIA 19:4 Mawu Ofanana

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

MAZMUR 106:38

Mosia in nopobutak in dugú in intau diá kotaḷá, dugú i adí mita monia tontaní, sin pokuruban kon berhala mita; dá butá tatua in kinotor monia.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

YEREMIA 1:16

Akuoi in mohukumbí kon umat-Ku, popisí in mosia binaradosa bo nonoḻikud kon i-Nakó. Mosia in noposumbadon in kuruban mita kon ilah mita ibanea, bo nomiadon kon patong mita poḷat sinumba monia.

YEREMIA 11:13

Ilah mita in intau in Yohuda nobayong totok, ná kobayong in kotá mita monia. Intau in Yerusalem noposindog in mezbah mita ná kobayong in daḷan mita kon kotá in Yerusalem sin moposumba in kuruban kon Dewa Baal.

YEREMIA 15:6

Moiko in nondoídon bo nonaḷámai kon i-Nakó, tuamai in tonggóon-Ku in ḻima-Ku sin porimumud kon i monimu, sin mobúdon in Akuoi in momondam kon torú-Ku.

YEREMIA 16:11

Potaaudon kon i monia kon Akuoi in noguman nanaa, ‘Mogoguyangmu ain nonaḷámai kon i-Nakó sin mosumba bo moibada kon ilah mita ibanea. Mosia in nonaḷámaidon kon i-Nakó bo doí tumoḷutui kon atorang-Ku mita.

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

YEREMIA 17:20

Poyaputdon in koyow-Ku kon datu mita bo bayongan in intau in Yohuda takin bayongan in intau in Yerusalem inta moitaḻib kon bonawang mita tatua.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

YEREMIA 2:17

Iko tontaní in nokopopisí kon bayongan inta nobaḻí kon inimu, sin kon tungkuḷ in iko kinapit-Ku kon binayáan, iko in nonoḻikud kon i-Nakó, Ki Tuhan Allahmu.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 2:34

Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YEREMIA 26:23

Bo dinia monia in sia nobui minayá kon i Datu Yoyakim. Onda intua pinoki ḻimod in datu in sia, bo mayatnea in iḷumbú kon poḷoḷobongan kon bayongan in intau.

YEREMIA 44:3

Tua in nobaḻí popisí in intaunea in binaradosa, dá sinumorú in Akuoi. Mosia in noposumba in kuruban bo nogundoi kon dewa mita inta diápa kon dodai in onda in sinumba monia tontaní, i monimu bo in mogoguyangmu.

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

YEHEZKIEL 20:26

Pinomayá-Ku in mosia in noponajis in awak pinongin kuruban mita monia tontaní, nodapot in ki adí mita monia ḷoḷaki inta guya-guyang pinokuruban monia. Pinongin aid tatua Akuoi nohukum kon i monia sinbá kotaauan monia kon Akuoibí in ki Tuhan.

YEHEZKIEL 7:22

Akuoi in mamangoibí aka Baḷoi-Ku poguyaaton bo kotoron in mogogagow mita.

YEHEZKIEL 8:11

Pitu nopuḷú in itoi in bangusa in Israel in kon tua, noitakin doman in ki Yaazanya ki adí i Sapan. Kon batúannea nokadai kon pototubáan kon dupa inta mosipun kon poyok.

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

LUKAS 11:50

Tua inaidan i Allah sinbá intau mita masa naa hukumon sin pinoḻimodan inta inaidan kon bayongan in nabi nongkon wakutupa in dunia naa inaidan,

ULANGAN 13:13

kon tongonumai intau moraat nongkon bangusamu aindon nopoḷaḻe kon intau inta nogutun kon kotá sin mosumba kon ilah mita inta diá kinotaauan monimu.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 28:20

Aka moiko mogaid kon inta moraat bo mondoí kon i Tuhan, Sia in mopoangoibí in bodito, tombauk bo yoyiga kon bayongan onu inta inaidan monimu, modapot in tongábí kon bonu in wakutu motoyong moiko yopúondon komintan.

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.