YEREMIA 19:2 - Alkitab Singog In Mongondow Masa In Tanaa

² sin mayá moyotakin monia mayá in Ḷopá in Hinom mongin Bonawang Beling. Kon tua akuoi in musti mopotaau kon onu inta pinongoyow-Nea kon inakó.

YEREMIA 19:2 Mawu Ofanana

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

TAWARIKH 2 28:3

poḷat notubá kon dupa kon Ḷopá in Hinom. Nodapot in ki adínea ḷoḷaki tontaní in pinosumbanea nobaḻí kuruban kon berhala, podudui in kabiasaan diá mopia in intau mita inta ain pinoguntun i Tuhan nongkon butá mita in Kanaan kon tungkuḷ in intau mita in Israel sinumuot kon butá tatua.

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

YEREMIA 1:7

Táe ki Tuhan in notubag, “Dika moguman kon noguodpa in iko. Aka Akuoi in mopotabá kon inimu mayá kon i ineka, yo iko in mustibí mayá, bo bayongan inta pokiguman-Ku kon inimu, mustibí potaaumu kon i monia.

YEREMIA 11:6

Bo ki Tuhan in noguman kon inakó, “Bayádon kon kotá mita kon Yohuda, bo kon daḷan mita kon Yerusalem. Potaaudon in koyow-Ku tanaa kon intau mita kon tua. Potabá in mosia monaridi bo dumudui kon sarat mita in dodandian-Ku.

YEREMIA 18:2

“Bayádon kon baḷoi in intau mogogaid kon kuyon butá; kon tua potaau-Ku kon inimu in koyow-Ku.”

YEREMIA 26:2

Ki Tuhan in noguman kon inakó, “Bayádon sindog kon palas in Baḷoi-Ku bo posingogdon kon intau mita in Yohuda inta namangoi moibada kon tua. Potaaudon kon i monia komintan in bayongan inta pinoki potaau-Ku kon inimu. Dika gaatan tongopiḻikmai.

YEREMIA 3:12

Ki Tuhan in nopotabá kon inakó mayá sin mopotaau in naa kon Israel: “Ei Israel inta diá mosatia, pobuidon mangoi kon i-Nakó! Akuoi in totokbí in motabi bo diábí mononoi in torú-Ku kon i monimu.

YEREMIA 32:35

Mosia in noposindog in mezbah mita kon i Baal kon Ḷopá in Hinom, bo noposumba in adí mita monia kon i Dewa Molokh. Bokaka, Akuoi in diábí nokoimontanmai in nokiaid in natua kon i monia, noidapotbí in diábí kon dodai in onda in noigonúmai kon gina-Ku kon mosia in mogaid kon inta totok in moraat natua bo mokopopisí kon intau in Yohuda baradosaan.”

YUNUS 3:2

Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

OUMAN IN RASUL MITA 5:20

“bayádon sindog kon Baḷoi Tuhan bo popotaaudon kon bayongan intau in soaḷ kobiagan inta mobagu naa.”

YOSUA 15:8

Onda intua notakod nongin Ḷopá in Hinom ná toḷatan in buḷud, inta kinoukatan in Yerusalem, kotá in intau in Yebus. Nongkon tua sigad tatua pinotakod kon tudu in buḷud tatua kon dotá in toyopan kon Ḷopá in Hinom, kon popod in utuan Ḷopá in Repaim,