YEREMIA 19:13 - Alkitab Singog In Mongondow Masa In Tanaa

¹³ Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

YEREMIA 19:13 Mawu Ofanana

DATU MITA 2 17:16

Mosia in iḻimimpat kon bayongan in hukum i Tuhan, Allah monia, bo nomia kon sapi doyowa nongkon logam sin sumbáan. Mosia in nomia kon patong i Dewi Asyera, mosumba kon tundi mita bo moibada kon i Dewa Baal.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

DATU MITA 2 23:12

Mezbah mita inta pinosindog in datu mita in Yohuda kon atop kon ḻimonik mita in gopot i Datu Ahas in irimumud. Ná doman tua in mezbah mita inta pinosindog i Datu Manasye kon bosí posiḷosi in Baḷoi Tuhan, irimumud i Yosia, bo iḷumbú kon Ḷopá in Kidron.

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.

MAZMUR 74:7

Mosia in noturub kon Baḷoi-Mu nodapot in nodait; bo noponajis in tampat pososumbaan kon ini-Mu.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

YEREMIA 19:12

Kotá tanaa takin intau inta nogutun kon bonunea in baḻíon-Kubí naonda bo Topet.

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

YEREMIA 44:18

Táe pinangkoi kon kami nogogai noposumba in kuruban kon i Bokí in Soroga, bo diádon nopobutak in anggur saḷaku sosumba kon inia, kami in kinodaitandon in bayongan yagi-yagi; intau mita nami in minatoi kon pinoparangan andeka popisí in ginogoi.”

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

YEREMIA 7:18

Mongoadí mita mosipun kon kayu pondungú, ḷoḷaki mita momiag kon tuḷú, bo bobay mita in mopoyobauk in topong sin pomiaan kukis sin ogoi kon i dewi inta sinangoian monia Bokí in Soroga. Bo mosia in mopoyaat in gina-Ku pongin moposumba in tubig in anggur kon ilah mita ibanea.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

OUMAN IN RASUL MITA 10:9

Nopoikoḷomai kon singgai, kon wakutu in bobantungnea mita tatua kon daḷanpa bo motoyongdon moyaput in Yope, degá jammaidon mopuḷú bodoyowá tusinggainea, ki Petrus in noponikdon kon baḷoi sin mosambayang.

OUMAN IN RASUL MITA 7:42

Dá sinaḷáanmai i Allah bo pinomayá-Neadon mako in mosia in nosumba kon tundi mita kon ḷangit. Tua in notongkai ná inta ain pinais kon bonu in buk nabi mita. Nanaa, ‘Ei intau mita Israel! Deemanbí Akuoi in pinorataan monimu bo pinobogoian in sosumba mahaḷuk kon bonu in opat nopuḷú notaong kon rawang bungaion.

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.