YEREMIA 19:1 - Alkitab Singog In Mongondow Masa In Tanaa

¹ Ki Tuhan in nopotabá kon inakó notaḷui kon kendi, bo nonongganut kon tongonumai in itoi in bangusa bo tongonumai in imang inta nongogurangdon mita,

YEREMIA 19:1 Mawu Ofanana

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

YESAYA 30:14

Moiko in morimumudon naonda bo kuyon butá inta morumog posirarit, dá kon sigad in rimumudannea diádon in motaau pakéon pogamá kon baga nongkon doḷuong andeka ponayuk kon tubig nongkon bonu in bak.”

YEREMIA 13:1

Ki Tuhan nopotabá kon inakó notaḷui kon bintoḷ nopoḷok nongkon lenan bo pinaké, táe diábí motaau in akuoi mopoḷodok intua kon tubig.

YEREMIA 26:17

Nopaḷut mako kon tua tongonumai in kon sigad in itoi mita in bangusa minayá sinimindog kon muna bo noguman kon intau mita inta noyosipun kon tua,

YEREMIA 32:14

“Ki Tuhan Inta Totok in mokawasa, ki Allah in Israel, nomarenta sinbá gamáanmu in surat doyowa tanaa, pinomayá inta asli andeka inta dongkadon pinais bui, bo bonuon kon kuyon butá tobatú sinbá monahang.

OMBAḶ 4:2

Dungkuḷmai ede mita in tayowmobiag in Kotá in Sion naonda bo buḷawan inta koboḻi, táe tanaa in pinomiadon mako naonda bo kuyon butá.

YEHEZKIEL 4:1

Ki Allah in noguman, “Ei intau inta ilo-ilow, gamádon in tela tobatú, ukatdon kon tayowonmu bo garesdon kon ḻimonikannea in gambar in kotá in Yerusalem.

YEHEZKIEL 5:1

Ki Tuhan in noguman, “Ei intau inta ilo-ilow, gamádon in kedang inta moḷanit bo paké intua pongarug kon kumi bo buokmu. Onda intua simbangdon in buokmu tatua kon pononimbangan bo silaidon toḷu notonsilai.

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

PINOGIAPAN 11:16

Bo ki Tuhan noguman kon i Musa, “Sipundon nongkon sigad in bangusa mita Israel in guhanga mita in ḻipú pitu nopuḷú in kobayongnea inta ináku nobaḻí itoi in bangusa. Dia in mosia kon tayowon-Ku, bo pokisindogaidon in mosia kon diugmu.

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

OUMAN IN RASUL MITA 21:11

Sia in namangoi kon inami bo nogamá kon togot in ogotan i Paulus. Togot in ogotan tatua pinakénea pinotokig kon sioḷ bo ḻimanea tontaní bo nosingog, “Naadon inta pinoguman in Roho i Allah: Ki togi togot in ogotan tanaa in togoton nanaa in intau mita in Yahudi kon Yerusalem bo posarakan kon intau mita inta deeman Yahudi.”

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.