YEREMIA 18:22 - Alkitab Singog In Mongondow Masa In Tanaa

²² Potabádon in mogogagow daḻí mamangoi kon baḷoi monia, dá kumarak in mosia popisí in ondok. Mosia in nongaḻidon kon bubú sinbá moḷabú in akuoi kon bonunea, bo mosia in notaandon kon potait sin podomok kon inakó.

YEREMIA 18:22 Mawu Ofanana

MAZMUR 119:85

Intau inta diá dinumudui kon hukum-Mu, nongaḻidon kon bubú sinbá kotopakanku.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 140:6

Intau mokaḷakuang umado-adop in motaan kon potait kon inakó, bo mobukayad kon pukot sin podomok kon inakó. Kinoouput in daḷan mosia in motaan kon poyogaḷap sin modomok kon inakó.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

YESAYA 10:30

Karakdon, ei intau in Galim! Indongogaidon, intau in Laisya! Tubagaidon, intau in Anatot!

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 20:16

Biódon mako ki inta nodia kon habar tatua in naonda bo kotá mita inta irimumud i Tuhan takin diá in tabi. Biódon mako in sia mokodongog kon karak monakit kon dodai in doḷo-doḷom, bo kokow in parang kon dodai in noutu in singgai.

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEREMIA 5:26

Ei umat-Ku, kon sigad monimu oyúon in intau mita moraat. Naonda bo intau mogangat kon poyogaḷap inta sinaannea podomok kon ḷagapan, natuata in mosia notaan kon poyogaḷap sin podomok kon intau.

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

ZEPANYA 1:16

Kinoouput in singgai tatua kodongogan singog in torompet bo kokow in parang nongkon intau mita mopoparang inta nonubu kon kotá mita inta sinokodinding bo oyúon in ḷangkeang mita poḷoḷukadan inta mongoḷantud.

MATIUS 22:15

Intau mita in Parisi minayádon nongkon tua, bo noyosingog kon naonda sinbá kouḻían monia kon taḷá in ki Yesus podoyon kon onu inta ḻibóon monia.