YEREMIA 18:17 - Alkitab Singog In Mongondow Masa In Tanaa

¹⁷ Naonda bo ḷobud inirup in tompot in pomukaan, natuata in umat-Ku porariton-Ku kon tayowon in musung. Aka moiangoi in anib, toḻikudan-Kubí in mosia bo diábí motuḷung kon i monia!”

YEREMIA 18:17 Mawu Ofanana

AYUB 27:21

Tompot in pomukaan nobuat kon inia, bo nonimpat kon inia nongkon baḷoinea.

MAZMUR 48:7

Kon tua mosia in nourot in ondok bo mogigon kon monakit, naonda bo bobay inta mononggadí,

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

YEREMIA 13:24

Akuoi in moporaritbí kon i monimu naonda bo baḻeká inirup in tompot nongkon padang gurun.

YEREMIA 2:27

Moiko in pokopooyáanbímai, sin kayu topongkó oiníon monimu ki amá bo batu tobatú oiníonmu iná. Moiko in deemanbí mamangoi kon i-Nakó, táe nonaḷábímai kon i-Nakó. Táe aka moiangoidon in roriga, yo Akuoibí in oiníon monimu sinbá mamangoi moposaḷamat kon i monimu.

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

YEREMIA 46:21

Nodapot in tontara mita inta sinoko tondanannea in diádon mokopongonu nádon ki adí in sapi inta noiḻiudon in ḷongó. Mosia in diádon mokotongod. Komintan momurow bo moḷagui sinbá mosaḷamat. Singgai pohukuman kon i monia in noyaputdon; wakutuneadon mosia koantugan in bodito.

YEHEZKIEL 27:26

Mobobotoi mita nodia kon inimu minayá in baḷangon. Iko in dinumpak in tompot in pomukaan inta nondangat.

YEHEZKIEL 7:22

Akuoi in mamangoibí aka Baḷoi-Ku poguyaaton bo kotoron in mogogagow mita.

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.