YEREMIA 18:16 - Alkitab Singog In Mongondow Masa In Tanaa

¹⁶ Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 18:16 Mawu Ofanana

DATU MITA IMITÁNEA 9:8

Baḷoi pososumbaan tanaa in mogoguyaatdon dá pomuḷoi in intau inta moitaḻib kon tua in moitaḻikokogdon bo mokoningkim. Mosia in mogumandon, ‘Nongonu sin pomiaanbí i Tuhan natua in butá bo baḷoi tanaa?’

TAWARIKH 2 29:8

Bo ki Tuhan kon bonu in torú-Nea nohukum kon intau in Yohuda bo Yerusalem. Bo moiko komintan in nokotaaubí kon aid i Tuhan tatua ain nokotaḻikokog bo mokokoningkim.

MAZMUR 109:25

Intau mita inta mokoontong kon inakó moningkuḻe kon inakó poḷat momombiḻing.

MAZMUR 22:7

Táe akuoi naa in oḷuasi, deemanbí intau, irebeg bo siningkuḻe in intau mobayong.

MAZMUR 44:14

Binaḻí-Mu in kami tososingkuḻe in topodiug mita mosia in mopoḷoḻekemai bo kumosing kon inami.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

YEREMIA 44:12

Bo aka intau in Yohuda inta ki agatnea oyúon in tantú moibog mayá in Mesir sin mogutun kon tua, yo moyopúbí komintan in mosia. Mosia komintan, moḷoben mointok, in matoibí kon Mesir kon bonu in parang andeka popisí in gogoy. Intau in mokoningkimbí in mokoontong kon i monia bo moningkuḻe kon i monia. Tangoi monia in pakéonbí saḷaku kutukan.

YEREMIA 48:27

Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

YEREMIA 49:13

Akuoi in mongibot podoyon kon tangoi-Ku tontaní kon kotá in Bozra in mobaḻíbí tampat inta mokokoningkim inta taḷaan in intau. Kosinganbí in intau bo tangoi monia in pakéon monia pongutuk. Bayongan in ḻipú kon diugnea in mobaḻídon dongka rumbunnea modapot in mononoi. Akuoi, ki Tuhan, ain nosingog.”

YEREMIA 49:17

Ki Tuhan in noguman, “Bodito inta moiantug kon Edom in totokbí in motoyang modapot in bayongan in intau inta moitaḻib kon tua in moitaḻikokogbí bo moondok.

YEREMIA 50:13

Popisí sinumorú in Akuoi, dá Babel in mobaḻídon apugnea bo diádon in mogogutun. Bayongan inta moitaḻib kon tua in moitaḻikokogbí bo mokoningkim.

YEREMIA 51:37

Butá tatua in mobaḻíbí bonturungan in goguyaatnea, pogogadopan in ungkú in kayuon. Mokoningkimbí in intau in moindoi kon inia, bo diábí tobatúmai in intau in moibog mogutun kon tua.

YEREMIA 51:43

Kotánea mita mobaḻí tampat inta mokokoningkim, naonda bo padang gurun inta noḷogat. Diábí in intau in moibog mogutun andeka tumaḻib kon tua.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

OMBAḶ 1:12

“Ei intau mita inta tumaḻib kon daḷan, indoiai bo taridiai! Oyúon degá in roriga inta ná kobogat in rorigaku tanaa, sikisa inta pinopoantug i Tuhan kon inakó, popisí in torú-Nea inta moḷoben totok tua?

YEHEZKIEL 12:19

Potaaudon kon bayongan in bangusa onu inta poguman-Ku, ki Tuhan Inta Totok in moḷantud kon intau in Yerusalem inta nogutunpa kon butá monia. Mosia in mogugurbí kon dodai in mongaan bo mourot in ondok kon tungkuḷ in monginum. Butá monia in mobaḻíbí moḷogat, sin bayongan in intau inta mogutun kon tua tantú ḻimimpat kon hukum.

YEHEZKIEL 27:36

Iko in nobuḻi noinggamá nodapot in mononoi. Mododagang mita kon sinangkub in dunia nodoḻiok popisí in noondok in mokonanam kon ukur ná tatua.”

YEHEZKIEL 6:14

Tonggóon-Ku in ḻima-Ku bo morimumud kon butá monia, dá mobaḻídon moingongow, pinangkoi kon Gurun Toḷatan modapot kon kotá in Ribla kon utuan. Nongkon tampat mita inta inutunan in intau in Israel, diábí tobatúmai in posaḷamaton. Dá kotaauandon in bayongan in intau kon Akuoibí in Tuhan.”

IMAMAT 26:32

Poguraaton-Ku in butá monimu, modapot in musungmu mita inta mongawasa moitongaudon in mokoontong kon tua.

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”

MATIUS 27:39

Intau mita inta noitaḻib kon tua moningkuḻe, bo momombiḻing kon i Yesus.

MARKUS 15:29

Bayongan intau inta noitaḻib kon tua momombiḻing bo moningkuḻe kon i Yesus. Mosia in mosingog, “Ei, Iko inta moibog mogumpag kon Baḷoi i Allah bo bui moposindog kon daḷom in toḷu nosinggai.

ULANGAN 28:59

Ki Tuhan in mopoangoi kon i monimu bo kon buímu in takit mita inta diá koundaman bo bodito mita inta diá motaau potogonon.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.