YEREMIA 18:11 - Alkitab Singog In Mongondow Masa In Tanaa

¹¹ Ki Tuhan in noguman kon inakó, “Tanaa, pogumandon kon intau mita in Yohuda bo intau in Yerusalem kon Akuoi in koyogotdon in momia kon tomayá moḷawang kon i monia, bo moposadia in hukuman kon i monia. Potabádon in mosia monaḷámai kon kobobiag inta binaradosa tatua poḷat monompia kon dodia bo gogutú monia.

YEREMIA 18:11 Mawu Ofanana

KINOBAḺIAN 11:7

Maníka kita in momangoi bo mopotombauk in bahasa monia sinbá diádon mosia mosimangaḻean kon singog in tobatú bo tobatú.”

DATU MITA IMITÁNEA 22:23

Onda intua ki Mikha in noguman, “Uḻe, tua in mobaḻí! Binaḻídon i Tuhan sinbá nabi mita i tuang datu in nonguboḷ kon i tuang datu sin sinantúdon i Tuhan kon mopoḷabú in bodito kon i tuang datu!”

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

DATU MITA 2 5:5

Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

YESAYA 5:5

Nanaa in aidan-Ku kon gobá in anggur-Ku tatua: Tondok inta pinoḻibu in rabuton-Ku, dinding inta pinogoḻingoi kon inia in umpagon-Ku, bo pinomayá-Ku mako in mahaḷuk moraat momoguyaat bo moritak-ritak mako kon inia.

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 19:3

Akuoi in musti moguman nanaa, “Ei datu mita in Yohuda bo intau in Yerusalem! Indongogai in singog poguman-Ku kon inimu, Akuoi ki Tuhan Inta Totok in mokawasa, Allah in Israel. Akuoi in mopoangoi in bodito moḷoben kon tampat tanaa dá intau inta mokodongog in moitaḻikokog.

YEREMIA 25:2

Akuoi in noguman kon bayongan in bangusa in Yohuda bo intau inta nogutun kon Yerusalem,

YEREMIA 25:5

Mosia in nopotabá kon i monimu monaḷámai kon gogutúmu inta moraat, bo oaidmu mita inta dinosa, sinbá moiko in umuran mogutun kon butá inta ain inogoi i Tuhan kon inimu bo kon mogoguyangmu mobaḻí kapunyaan monimu tontaní.

YEREMIA 26:13

Tuamai in baḷuiaidon in kobobiagmu bo oaidmu mita; Duduiaidon in ki Tuhan Allahmu, sinbá pondamon-Neadon in niat-Nea mopobodito kon i monimu.

YEREMIA 26:3

Degá bo bangusa tatua in moibog mokidongog, bo mogogaiddon in mogaid kon inta moraat, dá pondamon-Kudon in niat-Ku mopobodito kon i monia inta moraat.”

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

YEREMIA 3:22

Ei moiko komintan inta ain nonaḷámai kon Tuhan, pobuidon mangoi! Sia in monompiabí kon i monimu, bo baḻíon-Nea in moiko motoindudui. Moiko in moguman, “Oo, tanaa kami in mamangoi kon i Tuhan, sin Sia in ki Allah nami.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 36:3

Dika-dika bo intau in Yohuda mogogai in mogaid kon inta moraat aka mokodongog in mosia kon bayongan in bodito inta bain popouma-Ku kon i monia. Dá ampungan-Kubí in dosa bo aid moraat monia.”

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

YEREMIA 4:1

Ki Tuhan in noguman, “Umat in Israel, aka moiko moibog mobui mangoi, yo pobuidon mangoi kon i-Nakó. Ḷumbúdon muna in berhala mita inta kinorongó-Ku tua, bo pokotoinduduidon kon i-Nakó.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

YEREMIA 4:23

Mataku in ḷumongow monag kon butá, diá in koontongan bo noingkag, ḷumangag in akuoi kon ḷangit, uḻe, diábí in monindar.

YEREMIA 4:6

Tundúdon in daḷan mayá in Sion, Buḷud i Tuhan, ḷagidon poḷagui dika tongá kibio-biómai. Ki Tuhan in koyogotdon in mopoangoi in bodito bo korimumudan moḷoben nongkon utuan.

YEREMIA 51:11

Ki Tuhan in nopotabádon kon datu mita in Media, sin moibog in Sia morimumud kon Babel. Natuata in pototuḻínea kon aid in intau mita inta norimumud kon baḷoi-Nea. Porwira mita in tontara in parang nomarenta, “Iḷanitai in piot! Podia kon kaḻeaw!

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

YEHEZKIEL 18:23

Degá iraimumai kon Akuoi, ki Tuhan Inta Totok in moḷantud in mosanangbí aka intau moraat bo matoi? Totokbí in diá! Ibogon-Ku in bá taḷaanneabímai in bayongan in dosa sinbá tantú mobiag in sia.

YUNUS 3:8

Intau bo mahaḷuk in mustibí mopomaké in kaeng karong. Saḷaku tomponuot kon pomanasaḷan, dá bayongan in intau musti mosambayang totu-totuu kon i Allah. Mosia in mustibí monombaḷui kon dodianea inta moraat bo aidnea inta nopuḻing in dosa.

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

ZAKHARIA 1:3

Táe tanaa Akuoi in moguman kon inimu: Pobuidon mangoi kon i-Nakó, dá Akuoi in mobui domandon kon inimu.

OUMAN IN RASUL MITA 26:20

Taran-tarangan in akuoi in mopotaau kon bayongan intau kon musti mogogai in mogaid kon dosa mita in mosia bo moposarakandon in kobiagan monia kon i Allah. Tua komintan in musti poniata kon oaid monia pomuḷoi in singgai. Muna in kon Damsyik in pinopotaauanku kon onu inta nobaḻí tanaa, onda in tua kon Yerusalem bo kon bayongandon in Yudea bo kon sigad doman in intau mita inta deeman Yahudi.

YAKOBUS 4:13

Utat mita inta nosingog: “Singgai naa ande ikoḷom kami in mayá in kotá i Kuon bo mogutun kon tua totaong in koonggotnea sin modagang bo motayak kon doit,” – indongogai in tongginaku tanaa.

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!