YEREMIA 17:24 - Alkitab Singog In Mongondow Masa In Tanaa

²⁴ Duduiai in bayongan parenta-Ku. Dika mogakut kon pakakat onuka mongin bonawang in kotá tanaa kon singgai in Sabat. Potondídon, Singgai in Sabat kon i-Nakó, bo dikadon mogaid kon onuka kon singgai tatua.

YEREMIA 17:24 Mawu Ofanana

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

IḶUAIAN 20:8

Toropdon in singgai in Sabat bo horomatbí in singgai tatua mobaḻí singgai inta motusi.

YESAYA 21:7

Aka sia in mokoontong kon tontara mita inta sinumakoi kon kabaḷo mamangoi tumododoyawa, tontara inta sinumakoi kon keledai bo unta, yo mustibí taridiannea kopiaan.”

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

ZAKHARIA 6:15

Intau mita in mamangoibí nongkon tampat inta moyayú bo moduḷu moposindog in Baḷoi-Ku. Aka baḷoi tatua moḷapatdon, yo kotaauandon monia kon Akuoi ki Tuhan Inta Totok in mokawasa in nopotabádon kon inimu namangoi kon i monia. Tua komintan in mobaḻíbí aka mosia in totu-totuu dumudui kon parenta-Ku, ki Tuhan Allah monia.”

ULANGAN 11:13

Dá duduiaidon in parenta mita inta pinotaauku kon inimu singgai in naa; kotabibí in ki Tuhan Allahmu bo poibadadon kon i-Nia takin ḻimbatú in gina bo ropotmu.

ULANGAN 11:22

Pokosatiadon in dumudui kon bayongan hukum inta pinotaauku kon inimu: Kotabibí in ki Tuhan Allahmu, aidaidon in bayongan inta pinarenta-Nea kon inimu, bo tantúdon kosatia in moiko kon i-Nia.