YEREMIA 17:23 - Alkitab Singog In Mongondow Masa In Tanaa

²³ Táe mogoguyangmu in doí mokidongog andeka nonaridi kon onu in pinoguman-Ku. Mosia in pamandot bo doí tumoindudui andeka toboḷowon.

YEREMIA 17:23 Mawu Ofanana

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

AMSAL 1:3

Tonggina mita tanaa in motundú kon naonda sinbá intau mobiag mobijaksana, mojujur, moadil bo mobanar.

AMSAL 1:5

Pongin tonggina mita tanaa intau mobijaksana in modugang doman in totaaunea, bo intau inta ain notaau in kapiton doman.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

AMSAL 5:12

Bo iko in moguman, “Ah, nongonu sin akuoi in doíbí kon tonggina? Nongonu sin akuoi in doíbí sinoboḷow?

AMSAL 8:10

Horomatbí in tongginaku moiḻiu kon saḷaka taakan, popoḷontú in sinotaau moiḻiu kon buḷawan totokan.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

YEREMIA 7:28

Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

YEHEZKIEL 20:16

Indoyó-Ku tatua in siningog-Ku popisí in mosia nonaḷámai kon parenta-Ku mita, iḻimimpat kon hukum-Ku mita bo noponajis kon singgai in Sabat. Mosia in moibo-ibogbí in mosumba kon berhala mita monia.

YEHEZKIEL 20:21

Táe tayowmobiag mita tatua in doí doman nokidongogmai kon i-Nakó. Iḻimimpat in mosia kon hukum-Ku mita bo nonaḷámai kon parenta-Ku mita, inta nopodandi kon intau inta dumudui kon tua in umuranbí mobiag. Mosia in noporaa-raatmaidon kon singgai in Sabat. Tuamai in nosadiadon in Akuoi mopoḷuai in torú-Ku kon i monia kon rawang in bungaion tatua bo moḻimod kon i monia komintan.

ZEPANYA 3:7

Kon raian-Ku, ‘Tanaa in notantúbí kon umat-Ku in mohoromat kon i-Nakó bo mokidongog kon bayongan in toboḷow-Ku. Notantú bí kon kinotoropan monia totundú inta inogoi-Ku kon i monia.’ Táe noniata magí, nodugangbí in aid monia moraat nongkon inta muna.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

HAKIM MITA 6:10

Aindon pinoguman-Ku kon inimu kon Akuoibí in ki Tuhan Allahmu, bo moiko in diábí motaau mosumba kon dewa mita in bangusa in Amori inta butá monia in pinogutunan monimu masai naa. Táe moiko in doíbí dinumudui kon parenta-Ku.’ ”