YEREMIA 17:18 - Alkitab Singog In Mongondow Masa In Tanaa

¹⁸ Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YEREMIA 17:18 Mawu Ofanana

AYUB 16:14

Sia in nonubu naonda bo intau mopoparang, bo nopobui buimai nonompaḻí kon inakó.

MAZMUR 35:4

Biódon mako in intau inta moibog moḻimod kon inakó taḷowon bo pokopooyáanmai. Biódon mako in intau inta noyopakat monayow kon inakó umundok takin motoboḻingo.

MAZMUR 35:8

Biódon mako in mosia koantugan in bodito inta diá binutu-butunganmai. Biódon mako in mosia moibonu bui kon poyogaḷap monia tontaní bo moḷabú poḷat moyopú.

MAZMUR 40:14

O Tuhan, posaḷamatpa kaasí in akuoi, Tuhan ḷagidon tuḷungai in akuoi!

MAZMUR 70:2

O Allah, posaḷamatdon in akuoi, Tuhan, ḷagidon tuḷungai kaasí in akuoi!

MAZMUR 71:1

O Tuhan, kon ini-Mu in poniunganku, dika pomayá mako in akuoi in pokopooyáanmai.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

YEREMIA 12:3

Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 16:18

Dosa bo aid monia moraat in tuḻían-Kubí pongin hukuman kodua noguntuḷ, sin mosia in noponajisdon kon butá-Ku takin berhala mita. Berhala mita tatua in diábí konyawa naonda bo mayat.”

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

YEREMIA 17:19

Ki Tuhan in noguman kon inakó, “Yeremia, bayádon kon Bonawang Rayat inta sinaḻiban in datu mita in Yohuda aka mosia tumuot ḷumuai in kotá. Bayádon doman kon bayongan in bonawang ibanea in Yerusalem.

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

ULANGAN 33:11

O Tuhan, tuḷungaipa in suku tanaa sinbá moropot, igumon mako Iko in moibog kon oaidan monia. Yopúdon in bayongan musung monia dá diádon mokosindog bui.”

WAHYU 18:6

Tuḻíaidon kon inia naonda in pinogogaidnea kon i monimu; tuḻíaidon kodoyowa noguntuḷ kon inia in bayongan inta ain inaidannea. Bonuaidon palonea in oinumon inta kodua noguntuḷ in koboilnea nongkon oinumon inta ain sinadianea kon i monimu.