YEREMIA 17:11 - Alkitab Singog In Mongondow Masa In Tanaa

¹¹ Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

YEREMIA 17:11 Mawu Ofanana

AYUB 20:21

Aka mongaan in sia dá kodaitonneabí komintan, tuamai in kobiagannea motompia diá mononoi.

MAZMUR 49:13

Intau in diábí umuran mobiag kon bonu in kaoyúonan; naonda bo mahaḷuk, sia in moyopúbí doman.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

AMSAL 13:11

Kaoyúonan inta nouḻí diá irorigaan in motoyongbí doman mogaat; táe kapunyaan inta piniḻim-piḻikmai sinipun in kodugang-kodugangbí.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

AMSAL 21:6

Kaoyúonan inta nouḻí pinongin diá motuḻid ḷagi mobuḻi bo modia kon intau mopobayá in poḷobongan.

AMSAL 23:5

Sin, tongábí tokokiap monag in kapunyaanmu bo modait, naonda bo oyúon in koḻikipnea bo ḷumayug kon toḷungayá naonda bo ḷagapan boniá.

AMSAL 28:16

Mongogawasa inta mondorot kon intau ibanea, diábí koraian inta mopia; mongogawasa inta doí kon inta motombogá in momarentabí kon taongannea.

AMSAL 28:20

Intau motuḻid in gina barakatanbí i Tuhan, táe intau inta moibog ḷagi mooyúon, diábí kotaḻiban in hukuman.

AMSAL 28:22

Intau inta motamaa moibog ḷagi mooyúon; diábí kinotaauannea kon roriga in ḷagidon moiantug kon inia.

AMSAL 28:8

Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

YEREMIA 22:13

Moboditodon in intau inta moposindog in baḷoinea inta noidoyon kon aid diá moadil, bo mogin oḷad takin aid diá motuḻid. Moboditodon in sia inta nopotabá in intau nogaid bo diá inuboḻian in pinogaidannea.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 6:13

Mosia komintan pinomayá mointok andeka moḷoben, motayakbí kon kauntungan podoyon kon aid diá motuḻid. Nodapot in nabi bo imang monguboḷ kon intau.

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

MIKHA 2:9

Bobay mita kon sigad in umat-Ku pinoguntun monimu nongkon baḷoi inta kinotabinea, bo umuran agowon monimu in barakat inta inogoi-Ku kon i adí mita monia.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

ZEPANYA 1:9

Akuoi in mohukumbí kon bayongan in intau noibada naonda bo intau inta diá nonotaau kon i-Nakó, bo inta nonakow poḷat noḻimod sin momonu kon baḷoi i tuang monia takin pakakat mita inta inagow.”

ZAKHARIA 5:4

Ki Tuhan Inta Totok in mokawasa in noguman kon kutukan tatua in popouma kon batúan in baḷoi in mononakow bo baḷoi in intau inta nongibot kon diá totuu. Baḷoi mita tatua in tantú kotugatan in kutukan tatua modapot in mobaḻídon apug mita.”

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.