YEREMIA 15:8 - Alkitab Singog In Mongondow Masa In Tanaa

⁸ Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 15:8 Mawu Ofanana

YESAYA 3:25

Ḷoḷaki, inta mongoropot mita, in matoi kon poparangan.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

YEREMIA 16:3

Potaau-Ku kon inimu onu in mobaḻí kon adí mita inta pononggadí kon naa bo takin guyanganea.

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

YEREMIA 22:7

Potabá-Kubí mangoi in intau sin morimumud kon inia. Mosia in modiabí kon boḻiung, bo mogumpag kon oiginea mita inta mogaga inta pinomia nongkon kayu ḷokuyú in Libanon. Bo mosia in mopogambatbí intua kon bonu in tuḷú.

YEREMIA 4:16

Mosia in nopotoingat kon bangusa mita bo nopotaau kon intau in Yerusalem kon musung niondon taya-taya mangoi nongkon butá inta moyayú. Mosia in mopobaḷúbí in baḷú in parang kon kotá mita in Yohuda

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

OMBAḶ 5:3

Ki amá nami in iḻimodon in musung; tanaa in ki iná nami in dongkadon boba-bobay, bo kami in uno-unon.

YEHEZKIEL 22:25

Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

HOSEA 4:5

Singgai doḷom in moiko mogaid kon moitaḷá, natua doman in nabi mita. Tuamai yopúon-Ku in Israel, ki inámu.

LUKAS 21:35

Sin singgai tatua in moiangoi naonda bo poyogaḷap kon bayongan in intau kon dunia naa.