YEREMIA 15:5 - Alkitab Singog In Mongondow Masa In Tanaa

⁵ Ki Tuhan in noguman, “Ei intau in Yerusalem, ki ine in monotabi kon i monimu? Ki ine in moibog moduḷu monahang kon nakit in gina monimu? Ki ine in moibog mongandup sin moḻibó kon kaadaanmu?

YEREMIA 15:5 Mawu Ofanana

AYUB 19:21

Uḻe yobayatku mita, kotabipa in akuoi, sin ḻima i Allah nosambok kon inakó.

MAZMUR 69:20

Kinotaauan-Mu kon akuoi in totokbí in irebeg, siningkuḻe bo iraa-raatmai, inontong-Mubí in bayongan in musungku.

IḶUAIAN 18:7

dá iḷumuaidon in sia nonontomu kon i monia. Sia in sinumungkud kon tayowon i Yitro bo poḷat nongayok kon inia. Nosiḻibóandon in mosia mongo nosehat, bo sinumuot domandon in mosia kon ḷoḷaigan i Musa.

YESAYA 51:19

Iko in kinoantugan in doyowa norupa in bodito; popisí in parang, ḻipúmu in nogoguyaatdon komintan bo rayatmu in minatoi in gogoy. Diá in notabi bo noḻipoi kon inimu.

YEREMIA 13:14

Bo mosia in poyodatongon-Ku. Nogurang bo noguod in pomiaan-Ku natua takin diábí in ampung. Mosia in yopúon-Kubí takin diábí in tabi andeka diábí in ampung. Akuoi, ki Tuhan, ain nosingog.”

YEREMIA 16:5

Dika mayá in baḷoi in intau inta koyogot in nonogumatoi, Yeremia. Dikabí monogumatoi kon i ineka. Akuoi in diá bidon momarakat kon umat-Ku bui takin kobiagan motompia, bo diádon doman mopoontong in tabi bo tanob kon i monia.

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

OMBAḶ 1:17

Akuoi in notonggó kon ḻima sin mokituḷung, táe diábí in noḻipoi. Nongkon bayongan in tampat, ki Tuhan nopotabá mangoi in musung; mosia in namangoi sin momarang kon inakó. Akuoi in pinomia naonda bo yoyatan, pakakat inta mokorongó kon yua-yuak monia.

NAHUM 3:7

Inta mokoontong kon inimu in yumayú bo moguman, ‘Niniwe in dongkadon apug diá in mangaḻenea! Ki ine in dumudui kon inia monogumatoi? Diábí in moibog mopoḻipoi kon inia.’ ”

HAKIM MITA 18:15

Bo mosia minayá in baḷoi i Mikha, baḷoi inta pinogutunan in tayowmobiag in Lewi tatua, bo noḻibó kon kaadaannea.

SAMUEL 1 10:4

Mosia in mopoyaputdon in salam kon inimu bo iko in ogoian monia in roti doyowa inta musti tarimaanmu.

SAMUEL 1 17:22

Bo pinoki tagúpa i Daud in onu inta dinianea tatua kon intau inta moḷoḷukad kon touḷut in tontara, bo minayá in tampat popoparangan sin mayá mokipodungkuḷ kon i guya-guyangnea mita.

SAMUEL 1 25:5

nopotabá in sia in tayowmobiag mopuḷú minayá in Karmel,