YEREMIA 15:21 - Alkitab Singog In Mongondow Masa In Tanaa

²¹ Poḷuaton-Ku in iko nongkon kawasa in intau moraat inta moromú. Akuoi, ki Tuhan, ain nosingog.”

YEREMIA 15:21 Mawu Ofanana

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

MAZMUR 37:40

Sia in notuḷung bo noposaḷamat kon i monia, bo nopoḷagui kon i monia nongkon intau mita moraat, sin mosia in noniung kon i-Nia.

MAZMUR 97:10

Ei moiko inta moibog kon i Tuhan, kodoídon in inta moraat! Sin ki Tuhan in noḷukad kon kobiagan in umat-Nea, Sia in nopoḷuat kon i monia nongkon kawasa in intau inta diá mopirisaya.

YESAYA 29:20

Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa,

YESAYA 29:5

Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YESAYA 60:16

Iko in biagonbí in bangusa mita bo in datu mita, naonda bo iná tobatú momiag kon i adínea. Dá kotaauanmudon kon Akuoibí in Tuhan, Mopoposaḷamatmu, bo ki Allah in Israel inta moropot in Mopopoḷuatmu.

YEREMIA 16:1

Ki Tuhan in noguman bui kon inakó, kai-Nia,

YEREMIA 20:13

Podondongdon kon i Tuhan bo dayowdon in Sia sin Sia in mopoḷuat kon intau inta dinorot in intau moraat.

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.

YEREMIA 31:11

Umat in Israel ain pinosaḷamat-Ku, bo pinoḷuat-Kudon nongkon bangusa inta moropot.

YEREMIA 38:28

Akuoi in tantú sinahang kon palas in komaḻig nodapot kon singgai pinogagowan in musung kon Yerusalem.

YEREMIA 39:11

Ki Datu Nebukadnezar ain nopotabá kon i Nebuzaradan, itoi in tontaranea, nopoḷuai in parenta ná noiduduimai naa:

YEREMIA 39:12

“Bayádon tayak in ki Yeremia, bo ḷukadai kopiaan in sia. Dika onuon monimu in sia; duduiai onu in poigumonnea.”

YEREMIA 50:34

Táe Akuoi in mopoposaḷamat monia inta moropot, inta moduḷu kon pelekara monia bo modia kon dodamean kon dunia. Táe kon intau in Babel popoangoi-Kubí in ropatoi bo ondok.”

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 3:25

Tubag i datu, “Táe nongonu sin taya opatbí in inontongku in intau nodondaḷoi kon yua-yuak in tuḷú tatua? Mosia in diábí noitogot bo beresibí diá nongonumai. Bo taya opat tatua pogot monia in naonda bo dewa.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.