YEREMIA 15:17 - Alkitab Singog In Mongondow Masa In Tanaa

¹⁷ Akuoi in diábí sinumakin nobarasanang takin intau mita inta noyosipun sin moyambá. Popisí in motoḷutui kon ini-Mu dá sinumontaní in akuoi takin sinumorú.

YEREMIA 15:17 Mawu Ofanana

MAZMUR 1:1

Pia in kamang in intau inta diá dinumudui kon tonggina in intau inta moraat, diá dinumayan kon intau binaradosa bo diá noyobayat in intau inta mopoompámai kon i Allah,

MAZMUR 102:7

Akuoi in nádon onda bo ḷagapan undan kon padang gurun, naonda bo ḷagapan monikuḷu kon apug inta noingongow.

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 16:8

Dika tumuot kon baḷoi in intau inta koyogot in nononbobutungan. Dika mongaan monginum takin i monia.

YEREMIA 6:11

Torú-Mu kon i monia doman in modidí kon dodobku, Tuhan! Mobogat totok in momondam.” Bo ki Tuhan in noguman, “Popoaidon in torú tatua kon mongoadí mita kon daḷan mita moḷoben bo kon tayow mobiag mita inta noyosipun. Ḷoḷaki bo bobay in domokonbí, bo intau inta nogoguyangdon in diábí kotaḻiban.

OMBAḶ 3:28

Kon tungkuḷ in ki Tuhan mobogoi in roriga, yo koḻigai in kita ḻimitú bata-batangan bo kibio-biómai.

DANIEL 7:28

Tuatadon in pinoyaput naa. Moḻia-ḻiaw totok in ginaku dá nobilaidon, táe diábí tobatúmai intau in pinopotaauanku intua komintan.

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.