YEREMIA 15:15 - Alkitab Singog In Mongondow Masa In Tanaa

¹⁵ Bo akuoi in noguman, “Tuhan, Iko in nomangaḻe. Toropdon bo tuḷungaipa kaasí in akuoi. Tuḻíaidon in mosia inta nogaḷow bo inta nomogutú kon inakó. Dika moiḻiu in sabar kon i monia modapot in mosia bain mokoḻimod kon inakó. Toropdon kon popisí in Iko dá akuoi in siningkuḻe.

YEREMIA 15:15 Mawu Ofanana

NEHEMIA 13:22

Bo intau mita in Lewi pinoki aidanku in upacara pondaritan kon awak bo noḷukad kon bonawang mita sin moḷukad sinbá intau mita mohoromat kon singgai in Sabat. Nosambayang in akuoi, “Oo Allah, toropa in akuoi sin soaḷ tatua doman, bo kotabipa in akuoi podudui in tabi-Mu inta moḷoben.”

NEHEMIA 13:31

Sinompiaku domandon sinbá kon singgai mita inta ain sinantú, kayu pondungú kon pobogoian kon sosumba in motaau sadiaan bo rayat motaau modia kon sosumba bungai in boyó inta dungkuḷ. Imbuitnea nosambayang in akuoi, “Allahku, toropdon in bayongan tanaa bo barakataidon in akuoi.”

NEHEMIA 5:19

Poigumonku o Allah, toropdon in bayongan inta pinomiaku kon bangusa tanaa bo barakataipa in akuoi.

NEHEMIA 6:14

Akuoi in nosambayang, “Oo Allah, toropdon onu in inaidan i Tobia bo i Sanbalat tatua. Hukumdon in mosia! Natua doman in nabi bobay inta ki Noaja bo nabi mita ibanea inta moibog mopogogondok kon inakó.”

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

MAZMUR 102:24

Ki Tuhan in nomutoḷ kon ropotku kon tungkuḷ in akuoi noguodpa, bo nogimpoḷok kon umurku.

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

MAZMUR 119:84

Modapot in toonu kaasí in mogogundoi-Mu naa in musti mokopoigon kon gina? Toonu degá in Iko in mohukum kon intau mita inta nondudur kon inakó?

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

MAZMUR 44:22

yo notantúbí kon kinotaauanbí i Allah, sin kodoḷopan-Neabí in onu inta noibuni kon gina nami.

YESAYA 38:3

“Tuhan, toropdon kon akuoi in nogundoidon kon ini-Mu takin motoindudui bo motuḻid in gina. Akuoi in umuran moḷongasi dumudui kon ibog-Mu.” Bo ki Hizkia in nongombaḷ totok.

YEREMIA 12:3

Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

YEREMIA 15:10

Totuu mosoe in akuoi naa! Onubí in mangaḻe in pinononggadían i ináku kon inakó? Akuoi in mustibí morogenggeng takin bayongan in intau. Umpakabí diá kon dodai in onda in akuoi mopoḷuan andeka moḷuan, táe akuoi in inodi-odian in bayongan intau.

YEREMIA 15:20

Iko in baḻíon-Ku naonda bo dinding porunggu kon i monia. Mosia in momarang kon inimu, táe diábí mokotaḷow kon inimu. Takinan-Kubí in iko sin moḷukad bo moposaḷamat kon inimu.

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

YEREMIA 18:23

Táe iko, Tuhan, nonotaau kon bayongan inta sinomayá monia sin moḻimod kon inakó. Tuamai, dika mongampung kon i monia; dika momopat kon taḷá monia. Bongkugdon in mosia modapot in moḷabú. Aidaidon kon i monia podudui in torú-Mu.”

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

YEREMIA 20:12

Táe, o Tuhan Inta Totok in mokawasa, takin aid moadil sinungkuḷan-Mu in intau; Kinotaauan-Mu in gina bo raian monia. Tuamai in ogoipa in akuoi moindoi kon ini-Mu motuḻí kon aid moraat in musung sin pelekaraku tanaa in poposarakankubí kon ini-Mu.

YEREMIA 20:8

Pomuḷoi in akuoi mosingog, musti in akuoi momaḷú rumopot totok, “Ḷoḻinga! Bodito!” Tuhan, akuoi in irebeg bo siningkuḻe pomuḷoi mako, popisí in nopotaau in koyow-Mu.

OMBAḶ 3:64

Hukumdon in mosia podudui in aid monia, o Tuhan.

OMBAḶ 3:66

Duduraidon bo yopúdon in mosia komintan modapot in mosia modait komintan kon dunia.”

MATIUS 10:22

Moiko in saturuon in bayongan intau sin moiko in murí-Ku. Táe ki ine in mokotahang modapot in kopaḷutannea, sia tua in mosaḷamat.

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

LUKAS 21:17

Moiko saturuon in bayongan intau sin moiko in murí-Ku.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

SURAT I PAULUS KON JAMAAT RUM 8:35

Oyúon degá in mokomampu moḷamboi kon i Kristus aka Sia in motabi kon i naton? Kasusahan, roriga, pomogutúan, malarat, kobiagan mobogá, anib ande popatoi, tua mita degá in mokoḷamboi kon tua?

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

HAKIM MITA 16:28

Kon dodai intua ki Simson nosambayang; Kai nia, “O, Tuhan Inta Totok in Moḷantud, toropa kaasí in akuoi naa. Ogoiaipa bui akuoi in ropot tongákadon komintan naa, o Allah, sinbá takin aidku tanaa mokotuḻí in akuoi kon aid in intau in Pilistin inta ain nonurak kon batoḷ in mataku doyowa naa.”