YEREMIA 15:1 - Alkitab Singog In Mongondow Masa In Tanaa

¹ Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 15:1 Mawu Ofanana

KINOBAḺIAN 19:27

Nopoikoḷomai kon singgai, doḷo-doḷompa, ki Abraham iḻimikat minayá in tampat inta sinindogannea kon tayowon i Tuhan koḷabung kon tungkuḷ in diápa nobaḻí intua.

DATU MITA 2 17:20

dá inindoídon i Tuhan in bayongan in umat in Israel. Ihukum-Nea bo inogoi-Neadon in mosia kon musung mita monia inta mongoraat totok. Diá bidon inindoian-Neamai in mosia, táe iḻumbú-Neadon in mosia nongkon butá inta inogoi-Nea kon i monia.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

AMSAL 14:35

Mopiabí in gina i datu kon pogawai inta mopandoi; táe torúanneabí in pogawai inta diá motaau mogaid kon oaidannea.

YEREMIA 10:18

Kon tanaa ki Tuhan in mopogambatdon in bayongan bangusa in Yohuda kon poḷumbúan; moiko komintan in daiton-Neabí rimumudon. Tuata in koyow nongkon i Tuhan.

YEREMIA 11:14

Tuamai, Yeremia, dikadon sambayanganmu in mosia andeka mopoigum kon i-Nakó motuḷung kon i monia! Aka mosia kon bonu in roriga bo mopoigum in totuḷung kon i-Nakó, doíbí in Akuoi mokidongogmai kon i monia.”

YEREMIA 14:11

Ki Tuhan in noguman kon inakó, “Dika mopoigum sinbá Akuoi in motuḷung kon intau mita tatua.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

YEREMIA 16:13

Tuamai, moiko in poguntunon-Ku nongkon butá tanaa bo ḷumbúon-Ku kon butá inta totokbí in diá kinotaauanmu bo in mogoguyangmu. Kon tua moiko in moibada singgai doḷom kon ilah mita ibanea, bo Akuoi in diá bidon motabi kon inimu.’ ”

YEREMIA 16:5

Dika mayá in baḷoi in intau inta koyogot in nonogumatoi, Yeremia. Dikabí monogumatoi kon i ineka. Akuoi in diá bidon momarakat kon umat-Ku bui takin kobiagan motompia, bo diádon doman mopoontong in tabi bo tanob kon i monia.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 22:28

Akuoi ki Yeremia in noguman, “Degá ki Datu Yoyakhin in nobaḻídon naonda bo kuyon noḷosi inta iḷumbú bo kinodoídon? Tua degá in mangaḻenea kon sia bo ki adínea mita in untunon bo ḷumbúon kon butá inta diá kinotaauan monia?”

YEREMIA 23:39

dá Akuoi in mopuyut kon i monia, bo mopogambat kon i monia koyayúon, pinomayá mosia andeka kotá inta ain inogoi-Ku kon i monia bo mogoguyang monia.

YEREMIA 35:19

Tuamai, Akuoi, ki Tuhan Inta Totok in mokawasa, Allah in Israel modandi kon nongkon buí i Yonadab ki adí i Rekhab umuran oyúon in intau ḷoḷaki inta mobantung kon i-Nakó.”

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

YEREMIA 9:19

Kon Sion kinodongogan in ombaḷ, “Moputú in kita bo totok in pinokopo oyámai. Butá naton musti taḷaan naton, baḷoi mita naton norimumud posirarit.”

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

ZAKHARIA 3:3

Ki Yosua in sinimindog kon tua nogiḷambung in ḷambung inta totok in nokotor.

ULANGAN 9:26

bo nosambayang nanaa: O Tuhan Inta Totok in Moḷantud, dikadon yopúon in umat kapunyaan-Mu tanaa, bangusa inta pinoḷuat-Mudon bo dinia-Mu iḻumuai nongkon Mesir takin ropot bo kawasa-Mu inta moḷoben.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.

SAMUEL 1 7:9

Tuamai in ki Samuel noratá kon ki adí in domba inta batáneapa, bodongka pinosumba nobaḻí sosumba payongon kon i Tuhan. Nopaḷut mako kon tua nosambayang in sia nopoigum sinbá ki Tuhan in motuḷung kon intau in Israel, bo inindogogan i Tuhan in sambayangnea tatua.