YEREMIA 14:4 - Alkitab Singog In Mongondow Masa In Tanaa

⁴ Uyan diá moḷabú bo butá in moingkag mopobota-botak; monononggobá mogoḻingoi kon pogot sin mogagawangdon totok.

YEREMIA 14:4 Mawu Ofanana

YEREMIA 2:37

Moiko in monaḷábímai kon Mesir takin kudai bo mooyá. Akuoi, ki Tuhan, ain nondoí kon i monia inta pongata-ngata monimu; moiko in diábí mokouḻí kon kauntungan onu bo onu nongkon i monia.”

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YOËL 1:11

Ei monononggobá, pogamuidon! Ei monononggobá kon anggur, pongombaḷdon! Sin gandum, makoya bo bayongan in bungai in boyó nogoguyaatdon.

YOËL 1:17

Batoḷ minatoi kon butá inta nobota-botak. Diá in gandum tagúon, dá ontag mita in diá in bonunea bo nobaḻídon apug.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

AMOS 4:8

Kon tongonumai in kotá, intaunea mita inta noḷungkoyódon popisí in morogang, motayak kon tubig kon kotá ibanea, táe tubig kon tua in diá tugat. Umpaka natua, moiko in diábí doman nobui mangoi kon i-Nakó.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.