YEREMIA 13:27 - Alkitab Singog In Mongondow Masa In Tanaa

²⁷ Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

YEREMIA 13:27 Mawu Ofanana

MAZMUR 94:4

Mosia in mopoyaput in tosingogon mita inta diá mopia, bo mopoḷoḷatú in aid monia moraat.

MAZMUR 94:8

Ei bangusaku, dikabí námai tua in kobobodok, balajar paké in akaḷmu!

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

YESAYA 57:7

Moiko in mayá kon tudu mita in buḷud sin moposumba in kuruban bo mopoorop in ibog in awakmu.

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEREMIA 11:15

Ki Tuhan in noguman, “Umat-Ku inta kinotabi-Ku ain nogaid kon inta moraat mita. Mosia in diádon in hak tumuot kon Baḷoi-Ku. Kai monia kamai kon pongin momia kon dandi mita, bo pongin moposumba in mahaḷuk, mosia in mokoampaidon kon bodito. Degá pongin natua mouḻí monia in mosanang?

YEREMIA 3:6

Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YEHEZKIEL 16:23

Ki Tuhan Inta Totok in moḷantud noguman, “Moboditodon in iko! Totuu kon mobodito! Iko in nomiadon kon bayongan inta moraat tatua.

YEHEZKIEL 2:10

inta pinaisan kon posiḷosi. Bo binukánea in ḻitodan tatua bo kon tua noipais in ombaḷ, amui bo ongot.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 24:12

Táe diábí komintan kaḻiotánea in kaanon tuḷú.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

YEHEZKIEL 24:6

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tua naonda bo kuyon kinaḻiotá inta diádon kon dodai in onda in iradatan. Ponoyá inta kon bonunea in poḷuaion tumongo pongkó, modapot in diá in kotaḷáan.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

YEHEZKIEL 6:13

Mayat mita in posiraritdon kon sigad in berhala mita bo kon diugmai in mezbah mita, moiukat mako kon batúan in tombuḷud inta moḷantud, bo kon tudu in buḷud mita, kon siungon in pangkoi in kayu inta mobambar bo kon batúan in pangkoi in kayu inta moḷoben; impoḷok mako in singog, kon ondakabí in potubáanmai monia kon kuruban ogoi kon berhala monia. Dá kon batúan in intau monotaaudon kon Akuoibí in Tuhan.

HOSEA 1:2

Kon dodai in ki Tuhan dungkuḷ totok nosingog kon bangusa in Israel pinongin inakó, ki Tuhan in noguman, “Hosea, tonibuḷoidon in bobay tobatú inta sundaḷ, bo ki adímu mita doman in moidayan kon inia. Umat-Ku in notongkai ná ki buḷoimu tatua; mosia in diá motoḷutui kon i-Nakó, bo nonaḷámai kon i-Nakó.”

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 8:5

Akuoi in doíbí kon sapi buḷawan inta sinumba in intau in Samaria. Akuoi in sinumorúbí totok kon i monia. Modapot in toonu in mosia in umuran mopokotormai kon awak pongin mosumba kon berhala?

ZEPANYA 3:1

Kinutukdon in Yerusalem, kotá moromú inta moibog momarontak kon i Tuhan bo inta nondorot kon intaunea tontaní!

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.

WAHYU 8:13

Bo akuoi in nokoontong bo nokodongog kon ḷagapan boniá tobatú inta iḷumayug noḷantud nomaḷú nanaa: “Mobodito! Mobodito! Moboditodon in bayongan intau kon dunia naa aka mokodongogdon kon malaekat taya toḷu ibanea in mogirup kon torompetnea!”