YEREMIA 13:25 - Alkitab Singog In Mongondow Masa In Tanaa

²⁵ Tuata in ukurmu inta ain sinantú-Ku popisí in moiko ain nokoḻiong kon i-Nakó, bo nopirisayadon kon ilah mita diá totuu.

YEREMIA 13:25 Mawu Ofanana

AYUB 20:29

Natuata in ukur in intau moraat, ukur inta sinantú i Allah kon inia.”

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

YESAYA 17:4

Ki Tuhan in noguman, “Moiangoibí in wakutunea koḷantudan in Israel in mopaḷut, bo kobiagannea motompia in moinggamá.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 34:17

Ki Tuhanbí inta nosilai kon butá tatua kon sigad monia bo kon batúannea notarima kon silainea. Mosia in mogutunbí kon tua modapot in mononoi, bo butá tatua in mobaḻí tonsilai monia modapot in adí bo ompu.

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEREMIA 10:14

Nokoontong kon tua komintan nosadardon in intau, kon sia tua in bodok bo diá kopomomangaḻe. Intau mita mononontaḷ kon buḷawan nooyádon, sin patong berhala inta pinomianea tua in uboḷbí bo diá konyawa.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

YEREMIA 2:32

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.

YEREMIA 3:21

Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.

YEHEZKIEL 23:35

Ki Tuhan Inta Totok in moḷantud in noguman, “Popisí in iko nokoḻiongdon kon i-Nakó bo nonoḻikudon kon i-Nakó, dá mororiga in iko sin ibogmu inta noiḷanú bo pinosundaḷanmu.”

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

ZEPANYA 3:2

Moboditodon in kotá inta doí motarima kon tompoingat i Tuhan, bo doí doman mopandungmai kon toboḷow-Nea mita, bo inta diá moposarakan in ukurnea kon i Tuhan, bo dia mokituḷung kon i-Nia!

MATIUS 24:51

Dá bobantung tatua in totok binout i tuangnea, bo ḷumbúonnea kon tampat in intau mita inta mongomunapik. Mosia in mongombaḷ bo mororiga kon tua.”

SURAT I PAULUS KON JAMAAT RUM 1:25

Ki Allah inta mobanar toḻiuanbí monia in onu inta diá totuu. Mosia in doíbí mosumba kon inta nomaḻí, táe tongábí inta binaḻí in sumbáan monia. Bokaka inta nomaḻíbí tua in musti dayowon modapot in kopaḷutan in dunia naa! Amin.