YEREMIA 13:19 - Alkitab Singog In Mongondow Masa In Tanaa

¹⁹ Kotá mita in Yohuda kon dotá in toḷatan koyogotdon in kinopung, bo diádon in mokoḷuai kon pinongopungan tatua. Bayongan intau in Yohuda in diniadon kon pinoḷumbúan.”

YEREMIA 13:19 Mawu Ofanana

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

TAWARIKH 1 9:1

Bayongan intau in Israel in pinais pinodudui kon batúan in motoḷuadínea. Daptar tatua in pinais kon bonu in buk Datu mita in Israel. Nobaḻí hukuman popisí in mosia nomia kon dosa, dá rayat in Yohuda in dinia kon pinoḷumbúan.

AYUB 12:14

Onu in kinokai-Nea diábí motaau posindogon bui ki ine in dinakop-Nea diá bidon mokoḷuat bui.

YEREMIA 17:26

Intau mita in mamangoibí nongkon kotá mita in Yohuda, bo nongkon ḻipú mita kon diugmai in Yerusalem; mosia in mamangoibí nongkon butá in Benyamin, nongkon butá kon sioḷanmai in tombuḷudnea, nongkon buḷud, bo nongkon Yohuda kon dotá in toḷatan. Mosia in modiabí mangoi kon biag mita pokuruban kon Baḷoi-Ku, pinomayá inta tubáan andeka diá, bo sosumba doman gandum bo kamania takin sosumba sukur.

YEREMIA 20:4

Ki Tuhan tontaní in noguman, ‘Iko in baḻíon-Ku sindoyó kon inimu tontaní bo kon i yobayatmu mita. Iko in mokoontongbí kon i monia in ḻimodon in musung monia. Bayongan in intau in Yohuda in pomayá-Kubí mako in kawasaan in datu in Babel; tongosilai kon i monia in akuton nobaḻí intau dinakop pobayá in Babel, bo ki agatnea in ḻimodon.

YEREMIA 24:1

Kon singgai tobatú naonda in ki Yoyakhin ki adí ḷoḷaki i Yoyakin datu in Yohuda noyotakin in pojabat pomarenta in Yohuda, mongogurig mita bo intau mita inta totok in motaau mogaid kon oaidan monia inakut i Nebukadnezar datu in Babel, bo dinia saḷaku intau dinakop nongkon Yerusalem pinobayá in Babel, ki Tuhan in nobogoi in tobatú oontongon kon inakó. Akuoi in nokoontong kon karansi doyowa binonuan in bungai in ara noiukat kon tayowon in Baḷoi Tuhan.

YEREMIA 28:4

Akuoi in modia doman bui kon i Yoyakhin ki adí ḷoḷaki i Yoyakin datu in Yohuda, takin bayongan in rayat in Yohuda inta ain inakut pinobayá in Babel. Totuu, Akuoi in momutoḷbí kon ropot in Babel. Akuoi, ki Tuhan ain nosingog.”

YEREMIA 32:44

Surat totaḷuiannea in tekengonbí, bo kompitan in segel, bo irigonan in sakusi mita. Tua in mobaḻíbí kon butá in Benyamin, kon ḻipú mita kon diugmai in Yerusalem, kon kotá mita in Yohuda, kon kotá mita kon butá mita kon buḷud, kon butá kon siḻigonmai in buḷud, bo kon Yohuda toḷatan. Bangusa tanaa in tompiaan-Kubí bui in kaadaannea kon butá tanaa. Akuoi, ki Tuhan, ain nosingog.”

YEREMIA 33:13

Kon kotá mita inta kon butá mita kon buḷud, kon sioḷan in buḷud, butá in Yohuda dotá in toḷatan, bo kon butá in Benyamin takin ḻipú mita kon diugmai in Yerusalem, bo kon kotá mita in Yohuda, gombala mita in mogiapbí bui kon domba mita monia. Akuoi, ki Tuhan, ain noguman.”

YEREMIA 39:9

Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

YEREMIA 52:28

Kobayong monia komintan in 4.600 in intau. Ki Nebukadnezar nogakut kon i monia noyodudui nanaa: 3.023 in intau kon taong impitunea kon pinomarentaannea, 832 in intau nongkon Yerusalem kon taong impuḷú bo waḷu kon pinomarentaannea, bo 745 in intau in inakut i Nebuzaradan kon taong in doyowa nopuḷú bo toḷu kon pinomarentaan i Nebukadnezar.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

ZAKHARIA 7:7

Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.

ULANGAN 28:15

“Táe aka moiko diá motoindudui kon i Tuhan Allahmu, bo diá doman mosatia in mopoaid kon bayongan parenta bo hukum-Nea inta pinotaauku kon inimu singgai naa, dá bayongan in kutuk tanaa in moiuma kon i monimu:

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.

YOSUA 18:5

Butá tatua in musti silaion pitu. Ki Yohuda in notantú bidon kon butánea kon dotá in toḷatan, bo ki Yusup in kon butánea inta kon dotá in utuan.