YEREMIA 13:15 - Alkitab Singog In Mongondow Masa In Tanaa

¹⁵ Umat in Israel, ki Tuhan ain nosingog! Dika ḷumoḷatú, indongogai in Sia!

YEREMIA 13:15 Mawu Ofanana

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YESAYA 42:23

Ki ine in kon sigad monimu in moibog mokidongog kon tanaa, bo monaridi kon singgai moiduduimai?

YEREMIA 13:9

“Natuata in pogogaid-Ku kon intau in Yohuda bo intau in Yerusalem. Akuoi in morimumud kon koḷoḷatú monia inta moiḻiudon totok tua.

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YOËL 1:2

Indongogaidon, ei guhanga mita in ḻipú; taridiaidon, ei bayongan intau in Yohuda. Nokoimontandon degá in ná tanaa in nobaḻí kon singgai kinobiaganmu, andeka kon dodai in mogoguyangmu?

AMOS 7:15

Táe ki Tuhan in nogamá kon inakó nongkon pogogaidanku, bo nopotabá kon inakó nopotaau in koyow-Nea kon intau in Israel.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

WAHYU 2:29

Ki ine in mokodongog, yo tarukira in onu in pinoguman in Roho i Allah kon jamaat mita!”