YEREMIA 12:7 - Alkitab Singog In Mongondow Masa In Tanaa

⁷ Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

YEREMIA 12:7 Mawu Ofanana

DATU MITA 2 21:14

Intau mita inta nogutunpa kon tua in pomayá-Kudon mako mobaḻí kokaanon in musungnea mita, inta momilang kon i monia bo mogagow kon butá monia.

MAZMUR 106:40

Bo sinumagab in torú i Allah kon i monia, Doídon in Sia kon kapunyaan-Nea tontaní.

MAZMUR 78:62

Sinumorú in Sia kon umat-Nea, kapunyaan-Nea inta piniḻí-Nea, bo binió-Nea mako in mosia iḻimod in kedang.

YESAYA 2:6

O Allah, Iko in nonaḷádon kon umat-Mu, buí i Yakub! Sin kon ondakabí kon butá tanaa intau in mopomaké in ilimu sinotaau monia inta nongkon pomukaan bo nongkon Pilistin. Intau mita dumudui kon adat in intau ibanea.

YEREMIA 11:15

Ki Tuhan in noguman, “Umat-Ku inta kinotabi-Ku ain nogaid kon inta moraat mita. Mosia in diádon in hak tumuot kon Baḷoi-Ku. Kai monia kamai kon pongin momia kon dandi mita, bo pongin moposumba in mahaḷuk, mosia in mokoampaidon kon bodito. Degá pongin natua mouḻí monia in mosanang?

YEREMIA 14:19

Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.

YEREMIA 17:4

Moiko in pakisadon mobogoi in butá inta ain inogoi-Ku kon inimu, bo baḻíon-Ku in moiko mobantung kon musungmu kon butá inta totokbí in diá kinotaauanmu. Tua in inaidan-Ku komintan popisí in torú-Ku noiḻiudon naonda bo tuḷú inta nodokot bo diádon kopiongan.”

YEREMIA 22:5

Táe aka moiko bo diá dumudui kon parenta-Ku mita, dá ibotan-Ku kon komaḻig tanaa in mobaḻíbí apug. Akuoi, ki Tuhan, ain nosingog.

YEREMIA 23:33

Ki Tuhan in noguman, “Yeremia, aka tobatú nongkon umat-Ku, andeka nabi tobatú andeka imang moḻibó kon inimu, ‘Onu in koyow i Tuhan?’ Iko in musti motubag, ‘Iko in nobaḻí bobabaan i Tuhan; tuamai iko in ḷumbúon-Nea.’

YEREMIA 23:39

dá Akuoi in mopuyut kon i monia, bo mopogambat kon i monia koyayúon, pinomayá mosia andeka kotá inta ain inogoi-Ku kon i monia bo mogoguyang monia.

YEREMIA 51:5

Akuoi, ki Tuhan, Allah Inta Totok in mokawasa, Allah inta mokudus in Israel, diábí monaḷámai kon Israel bo Yohuda, umpakabí mosia ain binaradosa kon i-Nakó.

YEREMIA 7:14

Baḷoi-Ku inta pongata monimu, bo tampat inta inogoi-Ku kon mogoguyangmu bo kon inimu naa in pomiaan-Ku naonda bo Silo dungkuḷmai.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

HOSEA 11:1

Ki Tuhan in noguman, “Akuoi in notabi kon Israel pinangkoi kon sia in nointokpa, Inoiní-Ku in ki adí-Ku tatua iḻumuai nongkon Mesir.

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

YOËL 2:15

Irupdon in torompet kon Sion, buḷud i Allah, pobaḷúdon singgai popuasaan, aidaidon in poyodungkuḷan moḷoben.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”