YEREMIA 12:17 - Alkitab Singog In Mongondow Masa In Tanaa

¹⁷ Táe bangusa inta doí dumudui kon i-nakó, rabuton-Ku naonda bo pinomuḷa bo yompaton-Ku. Akuoi, ki Tuhan, ain nosingog.”

YEREMIA 12:17 Mawu Ofanana

YESAYA 41:11

Indoiai, bayongan intau inta tumorú kon inimu, in taḷowon bo mooyá-oyádon. Intau mita inta moḷawang kon inimu, in moyopú bo modait kosimpatan.

YESAYA 60:12

Bangusa bo dodatuan inta doí mobantung kon inimu, in moyopúbí bo moinggamádon.

YEREMIA 18:7

Aka kon singgai tobatú Akuoi monantú kon mogamá, morumbun bo morimumud kon bangusa tobatú andeka dodatuan,

YEREMIA 31:28

Ná koḻipod Akuoi noḷukad kon i monia sinbá kon singgai moiduduimai Akuoi in morabut, morumbun bo morimumud kon i monia, natua doman Akuoi in moḷukad kon i monia sinbá Akuoi in moginrigon bo moposindog kon i monia bui.

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

DANIEL 11:4

Táe kon dodai in koḻimonikdon totok in sia, dodatuannea in mobotak bo mosilai opat notonsilai. Datu mita inta deeman buínea in momarenta mobaḻí toḻiunea, bo mosia in diábí ná koropotnea.

MIKHA 5:14

Kon bonu in torú-Ku inta sinumagab tuḻían-Ku in aid moraat in bayongan in bangusa inta diá motoindudui kon i-Nakó.”

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.