YEREMIA 12:12 - Alkitab Singog In Mongondow Masa In Tanaa

¹² Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 12:12 Mawu Ofanana

YESAYA 34:6

Pitow i Tuhan in mototuyúdon in dugú bo mopuḻingdon in ḷongó monia, naonda bo dugú bo ḷongó in mahaḷuk kuruban. Sin ki Tuhan in moposadiadon in kuruban kon Bozra, bo mogaid kon poyopúan moḷoben kon butá in Edom.

YESAYA 57:21

Diábí in mokoaman kon intau binaradosa,” guman i Tuhan.

YEREMIA 15:2

Aka ḻibóon monia kon inimu mongo kon onda in bayáan monia, yo tubagai nanaa, ‘Ki Tuhan in noguman, inta sinantú matoi popisí in takit yo biódon mako in sia matoi in takit. Inta sinantú matoi kon poparangan yo biódon mako in sia matoi kon parang. Inta sinantú matoi popisí in gogoy yo biódon mako in sia matoi in gogoy. Inta sinantú dakopon, yo biódon mako in sia diaan saḷaku intau dinakop!’

YEREMIA 16:5

Dika mayá in baḷoi in intau inta koyogot in nonogumatoi, Yeremia. Dikabí monogumatoi kon i ineka. Akuoi in diá bidon momarakat kon umat-Ku bui takin kobiagan motompia, bo diádon doman mopoontong in tabi bo tanob kon i monia.

YEREMIA 25:11

Sinangkub in butá tanaa in pomayá-Kubí mako in morimumud bo mobaḻí moingongow. Bangusa mita kon diugneamai in mobantungbí kon i datu in Babel pitu nopuḷú notaong in koonggotnea.

YEREMIA 3:2

Ḷangagka, kon tudu mita in buḷud! Tampat táonda inta diápa dodai in onda in inangoianmu sin sumundaḷ? Naonda bo intau in Arab kon padang gurun, natuata in iko ḻimitú kon bingkí in daḷan mogoḷat mako kon intau inta moibog mopogogitog kon totabian. Iko in moponajis in butá tanaa pongin tuaḻing bo aidmu inta moraat.

YEREMIA 3:21

Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.

YEREMIA 30:5

“Akuoi in nokodongogdon karak in intau inta nourot, karak in intau moondok inta diá in dodamean.

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 46:10

Táe akuoi, ki Yeremia in noguman kon naa in singgai i Tuhan Inta Totok in moḷantud bo mokawasa; kon singgai tatua Sia in notuḻí kon bayongan in musung-Nea. Pitow-Nea in mokaanbí kon i monia modapot in mobotug, bo monginum kon dugú monia modapot in moguḻí. Singgai naa ki Tuhan Inta Totok in mokawasa, noratá kon kuruban-Nea mita kon utuan, kon bingkí in Ongkag in Eprat tatua.

YEREMIA 47:6

Moiko in momaḷú, ‘Modapot in toonu iko in monubu, ei pitow i Tuhan? Tungkogdon kon gumámu bo kibio-biómaidon kon tua kaasí!’

YEREMIA 48:2

noinggamádon inta nokoyunggagá kon Moab. Musung in nogagowdon kon Hesybon bo kon tua mosia in nonomayá kon monginggamá kon sinangkub in bangusa in Moab. Singog mita kon kotá in Madmen in pogogaiondon, sin kotá tatua in tubuondon in tontara.

YEREMIA 8:15

Diá in mangaḻenea in kita mogoḷat mako kon dodamean bo wakutu ponompiaan, sin inta oyúon in tongábí aid inta motogat.

OMBAḶ 3:17

Noonggotdon in akuoi in diá nokorasa kon kobiagan mopia; kinoḻiongankudon mongo naonda in porasaan moḷunganga.

YEHEZKIEL 14:17

Dika-dika popoangoi-Ku in parang kon butá tatua, bo popoangoi-Ku in ḷoḷutam mita inta motoyang sin moyopú kon intau bo mahaḷuk.

YEHEZKIEL 21:28

“Ei intau ilo-ilow, ponoḻindapdon! Potaaudon kon intau in Amon inta ain noningkuḻe kon Israel, kon Akuoi, ki Tuhan Inta Totok in moḷantud in noguman, ‘Kedang tobatú ain sinadia poḻimod, kedang tatua in inatádon nopouḻi-uḻinag naonda bo kilat, sinbá motaaudon poḻimod.

YEHEZKIEL 21:4

Kedang-Ku in pakéon-Ku ponayow-Ku kon bayongan in intau nongkon utuan nodapot in toḷatan.

YEHEZKIEL 21:8

Ki Tuhan in noguman kon inakó,

YEHEZKIEL 21:9

“Ei intau ilo-ilow, ponoḻindapdon! Potaaudon kon intau mita kon Akuoi, ki Tuhan in nogumandon nanaa, ‘Oyúon in kedang tobatú, kedang inta inatá bo iḷanitan.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

ZEPANYA 2:12

Natua doman in intau in Sudan ḷabúan bidon i Tuhan in hukuman matoi.

ULANGAN 32:42

Piot-Ku mita in mopuḻingbí in dugú monia; bayongan inta monayow kon i-Nakó ḻimodon-Ku in kedang-Ku. Diábí pomayá-Ku mako in ki inekabí in moḷawang kon i-Nakó; intau inta kon ponjara bo inta sinoko tompaḻían in mustibí doman matoi.

WAHYU 6:4

Bo namangoidon in tobatú kabaḷo ibanea, nopura in batangannea naonda bo dokot in tuḷu. Ki Inta sinumakoi kon kabaḷo tatua inogoian in kawasa monginggamá kon dodamean kon dunia naa, sinbá intau mita in mosiḻimodandon. Dá sia inogoian in tobatú pitow moḷoben.