YEREMIA 11:19 - Alkitab Singog In Mongondow Masa In Tanaa

¹⁹ Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

YEREMIA 11:19 Mawu Ofanana

AYUB 28:13

Hikmat in diábí in kon sigad in intau; diábí in nonotaau kon boḻinea.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 116:9

Dá akuoi in nobiagdon kon dunia naa, kon bonu in kawasa i Tuhan.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

MAZMUR 27:13

Noyakinbí in akuoi kon mokonanambí kon kopopia i Tuhan kon bonu in kobiaganku kon dunia naa.

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

MAZMUR 35:15

Táe kon tungkuḷ in akuoi nosusa, nopia in gina monia, bo nosipun sin monayow kon inakó. Mosia in mayá moposedo-sedo sin moningkuḻe kon inakó.

MAZMUR 52:5

Iko in moibo-ibogbí kon inta moraat nongkon inta mopia, moibo-ibog monguboḷ nongkon moguman kon inta mobanar.

MAZMUR 83:4

Mosia in nonomayá kon diá mopia monayow kon umat-Mu; bo noyosingogdon kon monayow kon intau mita inta iḷukadan-Mu.

AMSAL 10:7

Monanob kon intau mopia in mobaḻíbí barakat, táe intau moraat in baḷúdon koḻiongan.

AMSAL 24:15

Dikabí ná intau moraat inta moyopakat mogagow kon onuka kon intau motuḻid bo mogagow kon baḷoinea.

AMSAL 7:22

Diá bidon norai noḷanggó in sia dinumudui kon bobay tatua naonda bo sapi dinia kon tampat pororataan bo notongkai in intau inta dinakop sin motarima kon hukuman inta ain sinadia kon intau bodok;

YESAYA 32:7

Bo intau mouboḷ morai bo mogaid kon onu inta moraat. Sia in motayak kon daya sin mopobodito kon intau bogá pongin tosingogon mita inta uboḷ bo moḷamboi kon i monia mokouḻí kon haknea.

YESAYA 38:11

Gumanku, akuoi in diádon mokoontong bui kon i Tuhan kon dunia, andeka moindoi kon intau kon dunia naa.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 26:8

Noḻikat naonda in nopaḷut mako in akuoi nopotaau in bayongan koyow i Tuhan ná inta pinarenta-Nea, dinomok monia in akuoi poḷat nomaḷú “Iko in mustibí matoi!

YEHEZKIEL 32:24

Elam in kon tua doman takin iḻibu in poḷoḷobongan kon tontaranea mita. Diá sinoit, minatoi in mosia komintan kon pinoparangan, bo noponag kon dunia in intau minatoi. Kon tungkuḷ in nobiagpa, mosia in mokoondok, táe tanaa in minatoidon in mosia bo musti mobaba kon oyá moyotakin in intau mita inta ain minatoi kon pinoparangan.

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

HOSEA 9:8

Ki Allah in nopotabá kon inakó saḷaku nabi sin mopotoingat kon i monimu umat-Nea, táe kon ondaka in bayáanku, moiko in moḷongasi monompotait kon inakó naonda bo ḷagapan. Kon butá i Allah tontaní, kami nabi mita in sinaturubí in rayat.