YEREMIA 11:17 - Alkitab Singog In Mongondow Masa In Tanaa

¹⁷ Akuoibí in inta ain noposindog in Israel bo Yohuda, Akuoi, Tuhan Inta Totok in mokawasa. Táe tanaa in Akuoi ain nonomayá kon mopoangoi in bodito kon i monia. Mosiadon tontaní inta nokopopisí kon tua komintan, sin mosia in nogaidon kon inta moraat, tuata in noposumba in kuruban kon i Baal dá sinumorú in Akuoi.”

YEREMIA 11:17 Mawu Ofanana

SAMUEL 2 7:10

Apa doman, kon umat-Ku Israel aindon pinosadiaan-Ku kon tampat bo pinoki utunan-Kudon motantú in mosia kon tua, sinbá mosia in mokorasadon kon kobiagan inta mopia, diádon tuyayowon bui. Nongkon kinoangoian monia kon butá tanaa koḻipod, bo dinuí-Kudon in itoi mita kon i monia, mosia tantú tubuon in intau mita inta mongoromú, táe tua in diá bidon mobaḻí bui. Akuoi in modandi kon iko in moiḷuat bidon nongkon bayongan musung, bo Akuoi in mobogoidon in buí kon inimu.

TAWARIKH 2 28:25

Kon batúan in ḻipú bo kotá kon Yohuda noposindog in sia in tampat mita pososumbaan kon berhala sin potubaan kon dupa kon i dewa mita in bangusa ibanea. Aidnea tatua nokopomukádon kon torú i Tuhan, Allah in mogoguyangnea.

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 80:15

O Allah Inta Totok in mokawasa, angoidon bui, bobuidon nongkon soroga bo taridiaidon in umat-Mu.

MAZMUR 80:8

O Allah Inta Totok in mokawasa, tompiadon bui in kami; bobuidon in kami takin pia in gina, sinbá mosaḷamat in kami.

YESAYA 5:2

Sia in nomasoḷ kon butánea bo moḷumbú kon batunea mita. Pinomuḷanea in anggur inta notompiḻí pinosindognea in ḷangkeang poḷoḷukadan. Pinongaḻiannea kon bubú tobatú pomomugutan kon anggurnea, bo nogoḷat in sia kon bungainea moḷutú, táe nomungai in sia in bungai in anggur inta noirat.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YEREMIA 1:14

Ki Tuhan in noguman, “Nongkon utuan bodito in moiḻimpó bo moiuma kon bayongan in intau in ḻipú tanaa.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YEREMIA 11:13

Ilah mita in intau in Yohuda nobayong totok, ná kobayong in kotá mita monia. Intau in Yerusalem noposindog in mezbah mita ná kobayong in daḷan mita kon kotá in Yerusalem sin moposumba in kuruban kon Dewa Baal.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 18:8

bo bangusa tatua in mogogaidon nongkon dosanea, dá Akuoi in monginggamádon kon niat-Ku tatua.

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 2:21

Iko in pinomuḷa-Ku naonda bo pangkoi in anggur inta piniḻí-Ku nongkon batoḷ inta totok in mopia. Táe tanaa nobaḷuidon in iko, nobaḻídon pinomuḷa ḷoḷog bo diádon in baragunanea.

YEREMIA 24:6

Akuoi in moḷukadbí kon i monia bo modia kon i monia mobui mangoi kon butá tanaa. Akuoi in moposindogbí bui, deemanbí morumbun kon i monia; Akuoi in momuḷabí, deemanbí morabut kon i monia.

YEREMIA 26:13

Tuamai in baḷuiaidon in kobobiagmu bo oaidmu mita; Duduiaidon in ki Tuhan Allahmu, sinbá pondamon-Neadon in niat-Nea mopobodito kon i monimu.

YEREMIA 26:19

Táe ki Datu Hizkia bo intau in Yohuda in diábí noḻimod kon i Mikha. Nodapotbí in noondok in ki Hizkia kon i Tuhan bo nopoigum sinbá totabion. Dá ki Tuhan in nonginggamádon kon indoyó-Nea kon mopobodito kon i monia. Bo tanaa, gogiódon in kita mopoangoi in bodito moḷoben kon inaton tontaní.”

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

YEREMIA 32:30

Pinangkoipamai kon kinobobiag monia, intau in Israel bo intau in Yohuda ain nogaid kon inta diá nokopia kon gina. Mosia in nopomuká in torú-Ku pinongin aid mita monia inta moraat.

YEREMIA 35:17

Tuamai, Akuoi, ki Tuhan Inta Totok in mokawasa, Allah in Israel, in mopoangoibí kon i monimu – intau in Yohuda bo Yerusalem – bayongan in bodito inta ain sinantú-Ku kon i monimu, ná inta ain pinoguman-Ku. Tua in inaidan-Ku popisí in moiko in doí mokidongog aka Akuoi mosingog kon inimu, bo moiko in doí tumubag kon dodai in Akuoi mogoiní kon i monimu.”

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

YEREMIA 40:2

Itoi in tontara tatua nogoiní kon inakó pinotontaní bo noguman, “Ki Tuhan Allahmu ain nonindoyó kon morimumud kon butá tanaa.

YEREMIA 40:3

Tanaa inaidan-Neadon intua, popisí in bangusamu ain binaradosa bo diá motoḷutui kon i-Nia.

YEREMIA 42:10

‘Aka umuran in moiko moibog mogutun kon butá tanaa, yo buaton-Ku in moiko, deemanbí poḷabúon; posindogon-Ku in moiko, deemanbí umpagon. Morobonoḷ totok in ginaku popisí in nopoangoidon in bodito kon inimu.

YEREMIA 44:5

Táe moiko in doí mokidongog bo doí monondudut. Moiko in doíbí mogogai in mogaid kon inta moraat, tuata in moposumba in kuruban kon dewa mita.

YEREMIA 44:8

Nongonu sin moiko in nogaidbí kon inta mokopomuká kon torú-Ku? Moiko in namangoi bo nogutun kon Mesir, butá inta deeman moiko in kitogi, bo moiko in mosumba kon berhala bo moposumba in kuruban kon dewa mita in butá tatua! Degá moibog in moiko morimumud kon awakmu tontaní sinbá singkuḻeon in moiko in bayongan in bangusa kon dunia bo tangoimu in pakéondon mobaḻí kutukan?

YEREMIA 45:4

Ei Barukh! Akuoi, ki Tuhan, koyogot in morumbun kon onu inta ain pinosindog-Ku, bo yogot morabut kon onu inta pinomuḷa-Ku. Sinangkub in dunia in pomiaan-Kubí natua.

YEREMIA 7:18

Mongoadí mita mosipun kon kayu pondungú, ḷoḷaki mita momiag kon tuḷú, bo bobay mita in mopoyobauk in topong sin pomiaan kukis sin ogoi kon i dewi inta sinangoian monia Bokí in Soroga. Bo mosia in mopoyaat in gina-Ku pongin moposumba in tubig in anggur kon ilah mita ibanea.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

YEHEZKIEL 17:5

Onda intua ginamánea in totanga in pinomuḷa inta noguodpa nongkon butá in Israel, bo pinomuḷanea kon gobá inta mopia, inta diá kodai-daitan in tubig.

HOSEA 10:1

Israel in naonda bo pangkoi in anggur inta nomungai nodatog. Kodugang-kodugang in kaoyúonannea, kobayong-kobayong domandon in mezbah pomiaannea. Kotomoman-kotomoman in kobobiagnea, kogaga-kogaga doman in pomiaannea in tugu mita in berhala inta sinumbanea.