YEREMIA 11:16 - Alkitab Singog In Mongondow Masa In Tanaa

¹⁶ Nokoimontandon in Akuoi nonangoi kon i monia pangkoi in zaitun mobambar, nopuḻing in bungai in ayop inta mopia. Táe, tanaa takin singog in gotup inta motoyang turubon-Ku in daunnea mita bo putoḷon-Ku in bayongan in tanganea.

YEREMIA 11:16 Mawu Ofanana

AYUB 8:16

Naonda bo padang, mosehat in intau inta diá kotuhan; aka sindaran in singgai, mobiag in sia moḷumbá bo momuḻing kon gobá.

MAZMUR 52:8

Nokoontongmai kon tua, intau motoḷutui angoian in ondok, bo kumosing kon inimu poḷat moguman,

MAZMUR 80:16

Posaḷamatdon in umat inta naonda bo pangkoi in anggur ain pinomuḷa-Mu tontaní, bo tokat in anggur inta binaḻí-Mudon noropot.

MAZMUR 80:17

Musung ain nomupuḷ bo noturub kon inia; biódon mako mosia in yopúon in torú-Mu.

MAZMUR 83:2

O Allah, dikabí tumon bobó, dikabí kaasí mokoyot kon dodob bo tongá kibio-biómai.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YEREMIA 2:21

Iko in pinomuḷa-Ku naonda bo pangkoi in anggur inta piniḻí-Ku nongkon batoḷ inta totok in mopia. Táe tanaa nobaḷuidon in iko, nobaḻídon pinomuḷa ḷoḷog bo diádon in baragunanea.

YEREMIA 21:14

táe Akuoi in mohukumbí kon inimu popisí in oaidmu. Komaḻigmu in turubonkubí, bo bayongan in yagi-yagi kon diugnea in mopokakbí doman. Akuoi, ki Tuhan, ain nosingog.”

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

HOSEA 14:6

Kon intau in Israel Akuoi in naonda bo uyan inta nomuntad kon butá inta nobota-botak. Mosia in monokatbí naonda bo bungang bo naonda bo pangkoi in ḷokuyú inta noonag in uakatnea.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

ULANGAN 28:40

Kon bayongan in butámu mobiag in pangkoi in zaitun, táe bungainea mita in mototakbí, dá moiko in diábí mokouḻí kon ḷananea.

WAHYU 11:4

Sakusi doyowa tatua in zaitun doyowa nopangkoi bo sioḷ in pototuduan kon togá doyowa inta kon tayowonmai i Tuhan inta nomia kon dunia naa.