YEREMIA 11:15 - Alkitab Singog In Mongondow Masa In Tanaa

¹⁵ Ki Tuhan in noguman, “Umat-Ku inta kinotabi-Ku ain nogaid kon inta moraat mita. Mosia in diádon in hak tumuot kon Baḷoi-Ku. Kai monia kamai kon pongin momia kon dandi mita, bo pongin moposumba in mahaḷuk, mosia in mokoampaidon kon bodito. Degá pongin natua mouḻí monia in mosanang?

YEREMIA 11:15 Mawu Ofanana

MAZMUR 50:16

Táe ki Tuhan in noguman kon intau moraat, “Diábí in hakmu in monangoi kon hukum-Ku, bo mongonguman soaḷ dodandian-Ku.

MAZMUR 60:5

Pinomayá-Mu mako in umat-Mu nokorasa kon roriga mobogat; kami in noipape magí-mako naonda bo intau noḷoḷangu.

AMSAL 10:23

Intau bodok mopia in ginanea in mogaid kon moitaḷá; intau mobijaksana morajing motayak kon hikmat.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 2:14

Mosia in mokouḻí kon kososanang nongkon aid monia inta moraat.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

AMSAL 26:18

Intau inta monompobaḻik, bodongka moguman, “Akuoi in tongábí momaḻitumbui,” in notongkai in intau nobundai inta mopogogitog in ḷoḷutam inta mokobodito.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

YEREMIA 13:27

Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 23:11

Ki Tuhan in noguman, “Nabi bo imang doí tumoḷutui kon i-Nakó. Nodapot in kon Baḷoi-Ku kinouḻían-Kudon in mosia nogaid kon inta moraat.

YEREMIA 3:14

Ki Tuhan in noguman, “Ei umat inta diá mosatia, pobuidon mangoi kon i-Nakó! Moiko in Akuoi in kitogi. Akuoi in mogamábí kon inimu, tumongo batu in kon batúan in kotá, tododoyowa in kon batúan in inanakan, bo modia kon i monimu mobui kon Buḷud in Sion.

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

MATIUS 22:11

Naonda in datu tatua sinumuot sin mokipodungkuḷ kon mokokiangoi mita tatua. Sia nokoontong kon intau tobatú inta diá nogiḷambung in ḷambung pororame.

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

SURAT I PAULUS KON JAMAAT RUM 11:28

Popisí intau Yahudi doí notarima kon Habar Mopia nongkon i Allah, dá mosia nobaḻí saturu i Allah; bo tua in nobaḻí bidon kauntungan i monimu inta deeman intau Yahudi. Táe lantaran mosia bo ain piniḻí i Allah, dá mosia in umuran kinotabi i Allah sin popisí in mogoguyang monia.

KORINTUS 1 13:6

Diábí mopia in ginanea aka intau mogaid kon inta moraat, sin koibognea in tongábí inta mopia.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.