YEREMIA 11:10 - Alkitab Singog In Mongondow Masa In Tanaa

¹⁰ Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEREMIA 11:10 Mawu Ofanana

MAZMUR 78:57

Mosia in nonoḻikud ná muna monik monia, bo diá motaau pirisayaan naonda bo puḷu in piot inta nobelung.

YESAYA 24:5

Butá mobaḻí mokotor popisí in intaunea iḻimimpat kon parenta mita i Allah, nomaḷui kon inta ain sinantú-Nea mita bo nonoḻikud kon dodandian inta pinomia-Nea noyotakin monia modapot in mononoi.

YEREMIA 13:10

Bangusa inta moraat tanaa totok in pamandot bo diá motoḷutui kon i-Nakó. Mosia in moibada bo mosumba kon ilah mita ibanea. Tuamai mosia in mobaḻí naonda bo bintoḷ nopoḷok inta diá in mangaḻenea tua.

YEREMIA 17:23

Táe mogoguyangmu in doí mokidongog andeka nonaridi kon onu in pinoguman-Ku. Mosia in pamandot bo doí tumoindudui andeka toboḷowon.

YEREMIA 22:9

Bo intau in motubagbí kon bayongan intua in nobaḻí popisí in moiko ain nonoḻikudon kon dodandianmu takin-Ku, Allahmu, bo ain nosumba bo noibada kon ilah mita ibanea.”

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

YEREMIA 44:16

“Kami in doíbí mokidongog kon onu in pinogumanmu kon inami pinodoyon kon tangoi i Tuhan.

YEREMIA 44:5

Táe moiko in doí mokidongog bo doí monondudut. Moiko in doíbí mogogai in mogaid kon inta moraat, tuata in moposumba in kuruban kon dewa mita.

YEREMIA 7:28

Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”

YEHEZKIEL 16:59

Ki Tuhan Inta Totok in moḷantud noguman, “Popoaid-Kubí kon inimu podudui in aidmu tontaní, sin iko in nonoḻikudon kon ibotmu bo iḻimimpatdon kon dodandian-Ku takinmu.

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

YEHEZKIEL 5:6

Táe Yerusalem ain nondoí kon parenta-Ku bo noniata magí noiḻiudon kon kororaat in bangusa mita ibanea, nodapot in noiḻiudon in diá kototoinduduinea kon negara mita inta kon ḻibuneamai. Yerusalem iḻimimpat kon parenta-Ku mita bo doí dumudui kon hukum-Ku mita.”

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”

IMAMAT 26:15

Aka moiko ḻimimpat kon dodandian inta pinomia-Ku takin imonimu bo doí dumudui kon parenta bo atorang-Ku mita,

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

ZAKHARIA 1:4

Dikadon ná mogoguyangmu. Dungkuḷmai nabi mita nopotaau in koyow-Ku kon i monia sinbá mosia in dikadon bui mogaid kon inta moraat bo dosa. Táe diá in mosia nopandungmai bo doí tumoindudui kon i-Nakó.

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

ZAKHARIA 7:13

Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

IBRANI 8:9

Deemanbí ná dodandian inta inaidan-Ku takin mogoguyang monia wakutu in mosia dinia-Ku iḷumuai nongkon butá in Mesir. Mosia in diá tantú dinumudui kon dodandian inta inaidan-Ku takin i monia; tuamai diádon pandungon-Ku in mosia.

HAKIM MITA 2:11

Onda intua intau in Israel binaradosadon kon i Tuhan. Mosia in diá bidon nosumba kon i Tuhan, Allah in mogoguyang monia, ki Allah inta ain nodia kon i monia iḻumuai nongkon Mesir. Mosia nomangkoidon nosumba kon i Baal bo kon i Asytoret takin dewa mita ibanea inta sinumba in bangusa mita inta kon diugmai monia. Dá ki Tuhan sinumorú kon i monia bo pinomayá-Neadon mako in musung nonubu bo nogagow kon i monia. Mosia kinodaitandon in akaḷ in tumayow kon musung mita inta ain noḻipung kon i monia.

HAKIM MITA 2:17

Táe diábí indoianmai monia in itoi mita tatua. Mosia in umuranbí nosumba kon ilah mita ibanea, bo diá doman mosatia kon i Tuhan. Mosia in diábí dinumudui kon oaid mopia in mogoguyang monia inta mongotoḷutui kon parenta mita i Tuhan.

HAKIM MITA 2:19

Tongá aka itoi tatua bo matoidon, dá dodia in bangusa tatua in modugangdon moraat moiḻiudon kon intau mita inta muna nobiag kon i monia. Mosia in mogundoi kon ilah mita ibanea bo mosumba kon ilah mita tatua. Mosia in nobuidon kon oaid mita monia inta moraat bo doí monimbaḷui kon dodia monia.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.