YEREMIA 10:19 - Alkitab Singog In Mongondow Masa In Tanaa

¹⁹ Intau in Yerusalem nomaḷú, “Kami in sinongkekeban modaḷom bo diádon mopia. Koḻipod in kainamikamai dá roriga tanaa in kobabaanbí nami, naanta yo diábí.

YEREMIA 10:19 Mawu Ofanana

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

MAZMUR 77:10

Degá kinoḻiongandon i Allah in monotabi? Sinumorúdon degá in Sia, nodapot in Sia diádon in tabi-Nea?”

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEREMIA 8:21

Ginaku in norimumud popisí in bangusaku notakit moyoyiga; akuoi in nonogumatoi bo mogagawang.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

OMBAḶ 3:48

Ḷuáku in moiḻig naonda bo ongkag popisí in bangusaku in norimumudon.

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.