YEREMIA 10:14 - Alkitab Singog In Mongondow Masa In Tanaa

¹⁴ Nokoontong kon tua komintan nosadardon in intau, kon sia tua in bodok bo diá kopomomangaḻe. Intau mita mononontaḷ kon buḷawan nooyádon, sin patong berhala inta pinomianea tua in uboḷbí bo diá konyawa.

YEREMIA 10:14 Mawu Ofanana

MAZMUR 14:2

Nongkon Soroga ki Tuhan moindoi kon umat intau sin motayak kon intau mobijak inta mosumba kon i-Nia.

MAZMUR 92:6

Totuu moḷoben in bayongan inta inaidan-Mu, o Tuhan, totuu moako in raian-Mu mita!

MAZMUR 94:8

Ei bangusaku, dikabí námai tua in kobobodok, balajar paké in akaḷmu!

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

AMSAL 30:2

Akuoi in bodok ná bobiagon; diá in pomomangaḻe.

YESAYA 42:17

Intau inta mopirisaya kon patong berhala bo akúon monia nobaḻí ilah monia, in poompáanmai bo pokopooyáanmai.”

YESAYA 44:11

Totuu, bayongan in intau inta nosumba kon patong in mooyábí. Intau inta nogaid kon patong tua in intaubí doman biasa. Pokisindogaidon in mosia moyotakin; yo notantú bidon kon mosia in moondokbí bo mooyá.

YESAYA 45:16

Bayongan in intau inta nogaid kon patong berhala; in pokopooyáanbímai bo singkuḻeon.

YESAYA 57:12

Táe Akuoi in mopotaau kon inimu; kotoḷutuimu tatua in diábí totuu, bo bayongan in aidmu tatua in diábí in baragunanea kon inimu.

YEREMIA 10:5

Patong mita berhala tatua in naonda bo intau yambá kon gobá in melong. Mosia in diábí mokosingog, diá mokoḷampang, bo musti buaton. Dika moondok kon i monia, sin mosia in diábí mokoaid kon inta moraat kon inimu; mogaid kon inta mopiapa yo diábí doman in mosia mokoaid.”

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

SURAT I PAULUS KON JAMAAT RUM 1:25

Ki Allah inta mobanar toḻiuanbí monia in onu inta diá totuu. Mosia in doíbí mosumba kon inta nomaḻí, táe tongábí inta binaḻí in sumbáan monia. Bokaka inta nomaḻíbí tua in musti dayowon modapot in kopaḷutan in dunia naa! Amin.

SAMUEL 1 5:4

Táe nopoikoḷomai kon singgai, doḷo-doḷom, bui inontong monia kon patong tatua in noumpagdon bui kon tayowonmai in Poti Dodandian tatua. Yo tanaa uḷu bo kokaḷ in patong tatua noputoḷ bo noigambat kon tayowon in ḷoḻingkop; tongádon awak in patong tatua in notompiapa. (