YEREMIA 10:12 - Alkitab Singog In Mongondow Masa In Tanaa

¹² Ki Tuhan in nomaḻí kon butá pinongin kawasa-Nea, nomia kon dunia pinongin hikmat-Nea, bo nomukat kon ḷangit pinongin pandoi-Nea.

YEREMIA 10:12 Mawu Ofanana

KINOBAḺIAN 1:1

Kon pinomangkoian, tungkuḷ in ki Allah nomangkoi nomaḻí kon dunia naa,

KINOBAḺIAN 2:5

diápabí in nobiag nion nonokat bo diápabí doman in pinomuḷa kon dunia naa, sin diápa pinopoponagan i Tuhan in uyan bo diápa doman in intau mononggobá kon butá tatua.

TAWARIKH 1 16:26

Dewa mita in bangusa ibanea in tongábí patong berhala táe ki Tuhan in inta nomaḻí kon toḷungayá naa.

AYUB 26:7

Ki Allah in nobuká kon ḷangit, kon ḻimonikan in baḷangon, bo nobambé kon butá naa kon tampat inta diá in onu bo onu.

AYUB 37:18

Motaau degá in iko mobaḻí ná ki Allah mobuká kon toḷungayá bo mopotogat naonda bo logam andeka posilag?

AYUB 9:8

Binuká-Nea in toḷungayá bo diábí in notuḷung; iritakan-Nea in ḻikud in naga in dagat.

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 119:90

Kososatia-Mu in monahang kino ouput in wakutu, Pinotorindog-Mu in butá nodapot in umuran oyúon.

MAZMUR 24:2

Sia in nogukat kon dodoyonannea kon tudu in dagat, bo noposindog intua kon tudu in tubig inta noḻinow.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

MAZMUR 78:69

Sia in noposindog in Baḷoi-Nea naonda bo pinogutunan-Nea kon soroga, bo naonda bo butá, noroton nodapot in mononoi.

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

AMSAL 3:19

Pinongin hikmat, ki Tuhan in nomaḻí kon dunia; pinongin pandoi-Nea sinongká-Nea in ḷangit kon tampat-Nea.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

YESAYA 37:16

“Tuhan inta Totok in mokawasa, Allah in Israel, inta nogutun kon ḻimonik in kerub, Tongábí iko in Allah inta nongawasa kon bayongan dodatuan kon tudu in butá naa. Ikobí inta nomaḻí kon ḷangit bo butá.

YESAYA 40:22

Inta nomaḻí in nomarenta kon tudu in butá noḻimbatu, intau mita inta nogutun kon dunia naa in ontongon mongointok naonda bo pangkoḷá. Sia in nosongká kon ḷangit naonda bo daing, bo nopoatop naonda bo ḷoḷaigan sin pogutunan.

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 45:12

Akuoibí in ki Tuhan inta nomia kon butá, bo inta nomaḻí kon intau sin mogutun kon tua. Pinodoyon kon kawasa-Ku Akuoi in nosongká kon ḷangit, bo nomarenta kon mata in singgai, buḷan bo tundi mita.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YESAYA 48:13

Ḻima-Ku nopoukat in dodoyonan butá bo nosongká kon toḷungayá. Aka oiníon-Ku in tangoinea, mosia in ḷagibí mamangoi.

YESAYA 49:8

Ki Tuhan in noguman kon umat-Nea, “Kon tungkuḷ in Akuoi in moibog, Akuoi in motubagbí; kon singgai Akuoi moposaḷamat, Akuoi motuḷung kon i monimu. Moiko in oḻiungan-Ku bo ḷukadan-Ku, bo baḻíon-Ku dodandian kon bangusa mita. Tompiaan-Ku bui in butá inta noingongowdon mobaḻí butá tonsilai inta pogutunan.

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 27:5

“Pinongin kawasa-Ku inta moḷoben bo pinongin ropot-Ku binaḻí-Ku in dunia bo intau takin bayongan in mahaḷuk, bo tua in motaau-Kubí ogoi kon i ineka in koibog-Ku pobogoian.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

ZAKHARIA 12:1

Naa in koyow i Tuhan soaḷ Yerusalem. Ki tuhan inta nomukat kon ḷangit, nomaḻí kon dunia naa bo nobogoi in kobiagan kon intau, in noguman,

YOHANES 1:3

Bayongan in yagi-yagi pinomia pinodoyon kon i-Nia, bo nongkon bayongan inta oyúon, diábí in tobatúmai in pinomia diá pinodoyon kon i-Nia.

KOLOSE 1:16

Sin pinongin i-Nia tua ki Allah in nomia kon bayongan in yagi-yagi kon soroga bo kon dunia naa, inta koontongan bo inta diá koontongan, noitakin doman in bayongan roho inta nongawasa bo inta nomarenta. Bayongan inta kon ḷangit bo inta kon butá pinomia pinongin i Kristus bo untuk doman kon i Kristus.