YEREMIA 10:11 - Alkitab Singog In Mongondow Masa In Tanaa

¹¹ Moiko, ei umat, musti mopotaau kon i monia kon dewa mita inta diá nomaḻí kon ḷangit bo butá tua in yopúonbí. Mosia in moinggamábí nongkon tudu in butá naa.)

YEREMIA 10:11 Mawu Ofanana

MAZMUR 96:5

Dewa mita in bangusa ibanea in tongábí patong berhala, táe ki Tuhan in nomaḻí kon baḷangon.

YESAYA 2:18

Berhala mita in moinggamádon komintan.

YESAYA 57:12

Táe Akuoi in mopotaau kon inimu; kotoḷutuimu tatua in diábí totuu, bo bayongan in aidmu tatua in diábí in baragunanea kon inimu.

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 43:12

Akuoi in mopoyongkitbí in tuḷú kon kuil mita in dewa mita in Mesir, bo ki datu in Babel in momokakbí kon patong mita in berhala bo kuil mita andeka akutonnea pobayá in butánea. Naonda bo gombala tobatú mondarit kon pakeangnea nongkon kutu, natua doman in datu in Babel in monimpat mokopodarit kon Mesir bodongka mobuat bui takin diábí in monuyayow kon inia.

YEREMIA 43:13

Tugu mita in berhala kon Heliopolis kon Mesir, in rimumudonbí, bo kuil mita in dewa mita in Mesir pokakonbí komintan.”

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

YEREMIA 51:18

Berhala mita tatua diá in boḻinea, patusbí rebegon bo singkuḻeon. Aka moiangoidon in wakutunea, moyopúbí in mosia.

OMBAḶ 3:66

Duduraidon bo yopúdon in mosia komintan modapot in mosia modait komintan kon dunia.”

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

WAHYU 20:2

Bo dinomoknea in naga tatua inta uḷag guranga, inta Ibilis ande dimukud moraat tatua bo sinokignea in rante tatua toribu notaong in koonggotnea.

SAMUEL 1 5:4

Táe nopoikoḷomai kon singgai, doḷo-doḷom, bui inontong monia kon patong tatua in noumpagdon bui kon tayowonmai in Poti Dodandian tatua. Yo tanaa uḷu bo kokaḷ in patong tatua noputoḷ bo noigambat kon tayowon in ḷoḻingkop; tongádon awak in patong tatua in notompiapa. (