YEREMIA 10:10 - Alkitab Singog In Mongondow Masa In Tanaa

¹⁰ Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YEREMIA 10:10 Mawu Ofanana

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

DATU MITA IMITÁNEA 8:60

Pongin natua dá bayongan in bangusa kon dunia in monotaaudon kon tongábí ki Tuhan tontaní in Allah, diábí in ibanea mako.

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

TAWARIKH 2 15:3

Noonggot totok in Israel diá nosumba kon i Allah inta mobanar, diá kohukum mita inta musti duduian, bo diá doman ko imang mita inta motundú kon i monia.

AYUB 9:6

Baḻíon i Allah in ḻinug nodapot in nodandú in butá naa, bo oigi tumbok in dunia modandú totok,

MAZMUR 10:16

Ki Tuhan in momarenta modapot in mononoi; bangusa mita inta diá nonotaau kon i-Nia in moinggamábí nongkon butá-Nea.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 100:5

Sin ki Tuhan tua in mopia; tabi-Nea in mononoi, bo kososatia-Nea in modapot in adí bo ompu.

MAZMUR 104:32

Inindoian-Nea in butá bo pinomia-Nea nourot, buḷud mita iḻiai-Nea, dá iḻumuai in poyoknea.

MAZMUR 114:7

Ei butá, kourotdon in kon tayowon i Tuhan, kon tayowon i Allah Yakub,

MAZMUR 145:13

Pomarentaan-Mu in umuranbí mononoi, kawasa-Mu in mononoi modapot in adí bo ompu. Ki Tuhan in mosatiabí kon bayongan in dandi-Nea, Sia in nopuḻingbí in tabi kon bayongan in aid-Nea.

MAZMUR 146:6

Siabí inta ain nomaḻí kon ḷangit bo butá, dagat bo bayongan in tombonunea; Sia in umuranbí mosatia modapot in mononoi.

MAZMUR 18:7

Kon bonu in roriga nokuani in akuoi kon i Tuhan, akuoi in nomaḷú kon i Allahku mokituḷung. Nongkon Baḷoi-Nea inindongogan-Nea in singogku bo nonondudut kon kuaniku.

MAZMUR 29:10

Ki Tuhan in nongawasa kon ḷunud moḷoben, Sia in nongawasa saḷaku Datu modapot in mononoi.

MAZMUR 31:5

Poḷuatdon in akuoi nongkon potait inta sinaan kon inakó, sin Ikobí in pogogadopanku.

MAZMUR 42:2

Naonda bo rusa monanob kon tubig in ongkag, natuata in dimukudku monanob kon ini-Mu, o Allah.

MAZMUR 68:11

Bo umat-Mu in nogutun kon tua; kon bonu in kopopia-Mu, o Allah, Iko in noḷukad kon intau nobogá.

MAZMUR 68:8

O Allah, kon tungkuḷ in kinapit-Mu in umat-Mu minayá nongin rawang inta noingkag,

MAZMUR 74:12

Nongkon pinomangkoianpabímai Ikobí in ki datuku, o Allah, Ikobí inta noposaḷamat kon inami.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

MAZMUR 76:8

Totuubí kon motoyang in Iko! Aka tumorú in Iko, ki ine in mokoigon?

MAZMUR 77:18

Goḷom mopoḷabú in uyan, gotup mondoradá; kilat monampí magí mako.

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

MAZMUR 9:8

Ki Tuhan in momarenta modapot in mononoi; Sia in noposindog in tampat pomomarentaan-Nea sin monisig kon dunia.

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

MAZMUR 93:2

Pomomarentaan-Mu in noroton nongkon pinomangkoianmai, nongkon kinononoian oyúon in Iko.

MAZMUR 97:4

Kilat-Nea in nonimbayag kon dunia, butá nogugur in nokoontong kon i-Nia.

YESAYA 37:17

Tuhan, indoiaipa kaasí in onu inta koyogot mobaḻí kon inami. Indongogaidon in bayongan singkuḻe i Sanherib kon ini-Mu, Allah inta nobiag.

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YESAYA 40:15

Kon i Tuhan in bangusa mita in naonda bo tubig tongo totuyú kon bonu in totayuk, naonda bo ḷobud tougat kon pononimbangan; ḻibuton mita notongkai in kogaannea in ḷobud moaḷus.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

YEREMIA 23:36

Mosia in diá bidon motaau momaké in istila ‘bobabaan i Tuhan.’ Aka oyúonpa in momaké in istila tatua, yo baḻíon-Ku in koyow-Ku totu-totuu mobaḻí bobabaannea. Intau inta noguman ‘bobabaan i Tuhan’ tongábí monuui kon tosingogon-Ku, Allah monia, Allah inta nobiag, Tuhan Inta Totok in mokawasa.

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

YEREMIA 50:46

Aka Babel moḷabú, yo kodongogandon in dowawá inta motoyang totok dá sinangkub in dunia modandú; karak mita in intaunea in kodongogan in bangusa mita ibanea.”

YEREMIA 51:29

Butá in moḷundan bo modandú popisí in Akuoi koyogot mopobayá in tomayá-Ku sin mopobaḻí kon Babel tampat moḷogat inta diádon inutunan in intau.

DANIEL 4:3

Totuu moḷoben in mujizat inta pinomia-Nea! Totuu motoyang in inta mokoherang inta inaidan-Nea! Ki Allah in mobaḻíbí datu modapot in mononoi. Sia in mongawasa modapot in kopaḷutannea.”

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

DANIEL 6:27

Pogumankudon kon bayongan in intau inta kon bonu in kawasa in dodatuanku sinbá motoguondok bo mohoromat kon i Allah inta sinumba i Daniel! Sia in ki Allah inta nobiag mononoi, modapot in singgai kopaḷutan in dunia Sia in momarenta. Dodatuan-Nea in diábí moyopú. Kawasa-Nea in diábí modai-dait.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

MALEAKHI 3:2

Táe ki ine in mokotongod kon singgai ki Tuhan mamangoi mokipogontong in awak-Nea? Sin Sia in naonda bo tuḷú in mononontaḷ kon logam, bo naonda bo sabong in momomatá.

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 26:63

Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

ULANGAN 5:26

Kon dodaidon in onda in intau umuran nobiag naonda in nokodongog kon i Allah inta nobiag nosingog nongkon tuḷú?

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

IBRANI 10:31

Totokdon mokoondok aka kon bonudon in kawasa i Allah inta nobiag!

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

HAKIM MITA 5:4

Kon tungkuḷ in pinotabá-Mudon minayá nongkon Seir, o Tuhan, bo butá in Edom sinaḷáan-Mu, butá in noḷundan, daḷan mita in tubig kon ḷangit nongo bukat domandon, bo goḷom mita in nopobutakdon in tubignea.

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”

SAMUEL 1 17:36

Bobantungmu naa in ain noḻimod kon singa andeka beruang, bo intau in Pilistin kaper tatua in potongkaionku domandon ná mahaḷuk mita tatua, sin sia in mokobaḻídon mopoonagmai kon tontara mita inta nongkon i Allah inta nobiag.