YEREMIA 1:15 - Alkitab Singog In Mongondow Masa In Tanaa

¹⁵ Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 1:15 Mawu Ofanana

YESAYA 22:7

Ḷopá mita inta noḷumbá in Yohuda nopuḻing in kereta in parang. Tontara mita inta sinumakoi kon kabaḷo nosadia kon muna in bonawang mita in Yerusalem.

YEREMIA 10:22

Indongogaidon! Oyúon in habar kon bangusa tobatú kon utuan nopomukádon kon doḻiok. Tontaranea in momaḻí kon kotá mita in Yohuda mobaḻí moingongow bo diádon in mogogutun. Ungkú mita in kayuon in mogadopdon kon tua.”

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YEREMIA 13:20

Ki Tuhan in noguman kon intau in Yerusalem, “Taridiaidon! Musungmu mita in niondon taya-taya mangoi nongkon utuan! Kon onda in intau mita inta musti ḷukadan monimu bo inta totok in pongata-ngata mako monimu.

YEREMIA 25:28

Bo aka mosia in doí mogamá kon galas tatua nongkon ḻimamu sin monginum, pogumandon kon ki Tuhan Inta Totok in mokawasa ain nomarenta kon tua.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 33:10

Ki Tuhan in noguman, “Intau in moguman kon tampat tanaa naonda bo padang gurun, diábí in intau andeka mahaḷuk in mogutun kon tua. Tosingogon monia in totuubí, sin kotá mita in Yohuda bo daḷan mita kon Yerusalem in diádon komintan in bonunea; Diá in intau andeka mahaḷuk inta nogutun kon tua.

YEREMIA 34:1

Kon dodai in ki Nebukadnezar datu in Babel takin tontaranea inta iniropotan in tontara mita nongkon bayongan in bangusa bo negara inta nokiompu kon inia namangoi nonubu kon Yerusalem bo kotá mita kon diugneamai, ki Tuhan in nosingog kon inakó.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 39:3

bo Yerusalem inagow. Dá bayongan in pojabat mita in datu in Babel namangoi bo minayá iḻimitú kon Bonawang Toyuak. Kon sigad monia tua oyúon in ki Nergal-Sarezer, Samgar Nebo, Sarsekim tongguḷu in tombonu in komaḻig, ki Nergal-Sarezer Rabmag bo porwira mita ibanea.

YEREMIA 4:16

Mosia in nopotoingat kon bangusa mita bo nopotaau kon intau in Yerusalem kon musung niondon taya-taya mangoi nongkon butá inta moyayú. Mosia in mopobaḷúbí in baḷú in parang kon kotá mita in Yohuda

YEREMIA 4:6

Tundúdon in daḷan mayá in Sion, Buḷud i Tuhan, ḷagidon poḷagui dika tongá kibio-biómai. Ki Tuhan in koyogotdon in mopoangoi in bodito bo korimumudan moḷoben nongkon utuan.

YEREMIA 43:10

Bo pogumandon kon i monia kon Akuoi, ki Tuhan Inta Totok in mokawasa, Allah in Israel, in mopoangoibí in mogogundoi-Ku ki Nebukadnezar datu in Babel, kon tampat tatua. Bo kon tudu in batu mita inta iḷobongmu kon butá tatua, posindogonneabí in tampat pomomarentaannea bo mosongká kon ḷoḷaigan in dodatuannea.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 46:24

Intau in Mesir in pokopooyáanmai, sin sinaḷow in bangusa nongkon utuan. Akuoi, ki Tuhan, ain nosingog.”

YEREMIA 5:15

Ei umat in Israel, ki Tuhan in tayo-tayowdon in mopoangoi in bangusa tobatú nongkon ḻipú moyayú sin monubu kon i monimu. Bangusa tatua in oyúondon nongkon dungkuḷpabímai, singognea in diábí komangaḻean monimu. Mosia in moropot totok,

YEREMIA 6:22

Ki Tuhan in noguman, “Bangusa tobatú inta moropot in niondon tayo-tayow mangoi nongkon butá inta moyayú kon utuan. Mosia in mamangoi sin moparang.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

OMBAḶ 5:11

Bobay mita kon Sion dinomok, mongodeaga mita in pinomia ibo-ibog kon ḻipú mita kon Yohuda.

YEHEZKIEL 32:30

Bayongan in ki adí ḷoḷaki i datu nongkon utuan in kon tua, natua doman intau mita in Sidon. Dungkuḷmai kawasa monia nokopomuká kon ondok, táe tanaa mosia in pinokopo oyámai bo takin diá sinoit mosia noponag kon dunia in intau minatoi noyotakin in intau mita inta minatoi kon pinoparangan. Kon tua mosia inumuḻid bo nobaba kon dosa takin intau mita inta noponag kon dunia in intau minatoi.

YOËL 2:20

Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.

ZAKHARIA 6:6

Kereta in parang inta inugut in kabaḷo norondí in nopobayá in Babel kon utuan. Kabaḷo nobudó nopobayá ná toyopan bo kabaḷo inta nobaḷam-baḷang nopobayá ná negara kon toḷatan.”