YEHEZKIEL 9:11 - Alkitab Singog In Mongondow Masa In Tanaa

¹¹ Onda intua intau inta nogiḷambung in ḷambung linen tatua nobui bo nopotaau kon i Tuhan, kainia, “Bayongan in parenta i Tuhan ain inaidan.”

YEHEZKIEL 9:11 Mawu Ofanana

MAZMUR 103:20

Dayowdon in ki Tuhan, ei malaekat-Nea mita inta mongotorindog, inta nokidongog bo nopoaid in onu inta pinoki aid-Nea.

YEHEZKIEL 10:1

Bo akuoi in inimindoi kon kubah inta kon ḻimonikanmai in uḷu in kerub mita tua, bo oyúon doman in inontongku inta naonda bo ḷoḻitúan pomomarentaan nongkon batu nilam.

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

YEHEZKIEL 9:2

Noyododai noitukat magí in intau taya onom nongkon dotá in ḷuai in bonawang Utuan Baḷoi i Tuhan, kon batúannea nodia kon pakakat in parang. Noyotakin monia oyúon in intau in nogiḷambung in pakeang linen inta nodia kon pakakat pomomais. Mosia in sinumuot bo sinimindog kon diug in mezbah porunggu.

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 16:2

Malaekat inta muna in minayá bo nopobutak bonu in palonea tatua kon tudu in butá. Dá nomukádon in bituḷ mita inta mokoondok bo mokobahaya kon intau mita inta oyúon in tanda in mahaḷuk mita tatua bo kon intau mita inta nosumba kon patongnea.