YEHEZKIEL 9:10 - Alkitab Singog In Mongondow Masa In Tanaa

¹⁰ Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

YEHEZKIEL 9:10 Mawu Ofanana

DATU MITA IMITÁNEA 8:32

o Tuhan, igumon mako indongogan-Mudon nongkon soroga bo tantúdon in pelekara in bobantung-Mu mita tanaa. Hukum inta kotaḷá podudui in oaidnea bo poḷuatdon kon hukuman in intau inta diá kotaḷá.

TAWARIKH 2 6:23

o Tuhan, indongogaipa kaasí nongkon soroga bo momaḷut kon pelekara mita in bobantung-Mu mita tanaa. Hukumdon in inta kotaḷá bo poḷuatdon in inta diá kotaḷá.

YESAYA 13:18

Takin puḷu bo piotnea mosia in moḻimod kon intau mita inta nongoguodpa. Mosia in diábí motabi kon adí mita mointok bo diábí motabi kon mongoadí.

YESAYA 65:6

Hukuman monia in noipaisdon kon tayowon-Ku. Totuu, Akuoi in diábí tongá kibio-biómai. Akuoi in motuḻíbí kon aid monia inta moraat

OMBAḶ 1:5

Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

YEHEZKIEL 11:21

Táe intau mita inta moibog mosumba kon berhala mita inta moraat bo mokorongó in hukumon-Kubí popisí in dodia monia inta moraat tatua.” Natuata in singog i Tuhan Inta Totok in moḷantud.

YEHEZKIEL 16:43

Akuoi in nohukum kon inimu popisí in kinoḻionganmudon naonda in pinomomiag-Ku kon inimu kon tungkuḷ in iko noguodpa. Pinomukámu in torú-Ku pinodoyon kon aidmu inta moraat tua. Nongonu sin bayongan in aidmu inta mokorongó tua dinuganganmupa doman in totuaḻingan? Akuoi ki Tuhan Inta Totok in moḷantud ain nosingog.”

YEHEZKIEL 17:19

Podoyon kon i-Nakó, Allah inta nobiag, ki Tuhan Inta Totok in moḷantud, ki datu in Yohuda in hukumon-Kubí popisí in iḻimimpatdon kon dodandiannea takin i datu in Babel, bokaka sia in nongibotdon pinodoyon kon tangoi-Ku kon intompodanneabí.

YEHEZKIEL 22:31

Tuamai in tanaa pinobayá-Kudon in torú-Ku kon i monia, bo naonda bo tuḷú Akuoi in moyompat kon i monia popisí in aid monia. Akuoi ki Tuhan Inta Totok in moḷantud ain nosingog.”

YEHEZKIEL 23:49

Ei Ohola bo Oholiba, hukumon-Kubí in moiko popisí in moiko in nonuaḻing bo nosumba kon berhala. Dá kotaauandon monimu kon Akuoibí in ki Tuhan Inta totok in moḷantud.”

YEHEZKIEL 24:14

Akuoi, ki Tuhan Inta Totok in moḷantud ain nosingog. Noiangoidon in wakutunea mopoaid. Diábí koḻiongan-Ku in dosamu bo diábí doman mongampung andeka monotabi kon inimu. Iko in hukumonbí podudui in bayongan in oaidmu. Akuoi ki Tuhan Inta Totok in moḷantud ain nosingog.”

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.

YEHEZKIEL 5:11

Akuoi in ki Allah inta nobiag, ki Tuhan Inta Totok in moḷantud, bo naa in tosingogon-Ku: Popisí in iko ain nongotor kon Baḷoi-Ku pinongin aidmu inta moraat bo mokorongó, dá rimumudon-Ku in iko takin diábí in ampung.

YEHEZKIEL 7:3

Ki Tuhan in noguman, “Ei Israel, tanaa in noiangoidon in kopaḷutanmu. Iko in mokonanamdon kon torú-Ku. Iko in sisigan-Ku podudui in aidmu inta moromú.

YEHEZKIEL 7:4

Akuoi in diá bidon motabi andeka mongampung kon inimu. Akuoi in mohukumbí kon inimu podudui in bayongan in aid moraat inta ain inaidanmu. Dá kotaauanmudon kon Akuoibí in Tuhan.”

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YEHEZKIEL 9:11

Onda intua intau inta nogiḷambung in ḷambung linen tatua nobui bo nopotaau kon i Tuhan, kainia, “Bayongan in parenta i Tuhan ain inaidan.”

YEHEZKIEL 9:5

Dinongogku in ki Allah in noguman kon intau mita ibanea, “Duduiaidon in sia kon bayongan siku in kotá bo ḻimodon bayongan in intau takin dika ampungan.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

ZAKHARIA 11:6

Akuoi in diá bidon motabi kon i inekabí kon butá tanaa. Akuoi tontaní in moposarakan kon bayongan in intaunea mita kon pongawasa mita. Mosia tua in morimumud kon butá tanaa, bo Akuoi in diá bidon mogagow bui nongkon kawasa monia.”

ULANGAN 32:41

Akuoi in mogatábí kon kedang-Ku inta mopouḻi-uḻinag, bo mopobayá in hukuman. Tuḻían-Ku in bayongan musung-Ku bo hukumon-Ku in bayongan inta doí kon i-Nakó.

IBRANI 10:30

Sin kinotaauan bidon naton ki ine in Sia inta noguman, “Akuoi in motuḻíbí! Akuoi in mohukumbí!” Bo inta noguman doman nanaa, “Hakimonbí i Tuhan in umat-Nea.”