YEHEZKIEL 5:8 - Alkitab Singog In Mongondow Masa In Tanaa

⁸ Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

YEHEZKIEL 5:8 Mawu Ofanana

YEREMIA 21:13

Onda intua ki Tuhan in noguman kon Yerusalem, “Ei Yerusalem! Kinoukatanmu in moḷantu-ḷantud in ḷopá mita kon diugmumai. Iko in naonda bo buḷud batu irib kon rawang inta notondodai, táe Akuoi in moḷawangbí kon inimu. Iko in moguman kon diábí tobatúmai in intau in mokotubu kon inimu andeka mokodangat kon dindingmu mita,

YEREMIA 21:5

Akuoi tontaní in rumopot monayow kon i monimu bo takin doman torú inta tumaga-tagab.

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 50:7

Mosia in sinubu bo sinikisa in bayongan in intau inta moyodungkuḷ monia. Musung mita in umat-Ku in noguman, ‘Onu in inaidan naton, diábí noitaḷá, sin intau mita tatua in binaradosadon kon i Tuhan. Mogoguyang monia in mopirisaya kon i Tuhan, dá mosia in mustibí doman umuran motoindudui kon i-Nia.’

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

OMBAḶ 3:3

Akuoi in sinambok nopobui-buimai, takin diábí in tabi kinoouput in singgai.

YEHEZKIEL 11:9

Moiko in diaan-Kubí poḷuai kon kotá bo ogoi-Ku kon intau ango-angoi. Akuoi in nopoḷabúdon in hukuman matoi kon i monimu.

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

YEHEZKIEL 16:41

Turubon monia in baḷoimu mita bo pokiindoian monia in bobay mita kon pohukuman kon inimu. Natua in pogogogai-Ku kon pononuaḻingmu. Diá bidon bui in iko mosilai magí-mako kon tombuinag kon i inta kinotabimu mita.

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 30:19

Natuata Akuoi in mohukumbí kon Mesir, dá kotaauandon monia kon Akuoibí in ki Tuhan.”

YEHEZKIEL 34:10

Akuoi, ki Tuhan Inta Totok in moḷantud in moguman kon inimu, kon Akuoi naa in musungmu. Domba-Ku mita tatua in gamáan-Kubí bui nongkon inimu bo diádon ogoi-Ku bui kon i monimu; moiko in diá bidon ogoi-Ku morai kon kopontingan monimu tontaní. Domba-Ku mita in posaḷamaton-Kubí nongkon inimu dá mosia in diádon mobaḻí kokaanonmu.’ ”

YEHEZKIEL 35:3

Potaaudon kon intau mita inta nogutun kon tua in onu inta pinotaau-Ku, ki Tuhan Inta Totok in moḷantud kon i monia, ‘Akuoi naa in musungmu, ei intau mita inta nogutun kon buḷud in Edom! Butámu in baḻíon-Kubí moingongow diá in mogogutun, bo kotámu mita in mobaḻídon apug mita. Dá kotaauandon monimu kon Akuoibí in ki Tuhan.

YEHEZKIEL 39:1

Ki Tuhan Inta Totok in moḷantud in noguman, “Ei intau ilo-ilow, gogondokdon in ki Gog, datu moḷoben nongkon butá mita in Mesekh bo Tubal, bo potaaudon kon inia kon Akuoi naa in musungnea.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

NAHUM 2:13

“Akuoi naa in musungmu,” guman i Tuhan Inta Totok in mokawasa. “Keretamu mita in tubáan-Ku komintan. Prajuritmu in matoi kon poparangan, bo gamáan-Kubí in bayongan yagi-yagi inta ain ginamámu nongkon intau ibanea. Onu in sinuntut mita in intau pinotabámu in diá bidon kodongogan.”

MATIUS 22:7

Bo datu tatua totok in sinumorú. Pinotabánea in tontaranea minayá nomutú kon moḷoḻimod, bo nonurub kon kotá monia tua.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.