YEHEZKIEL 48:30 - Alkitab Singog In Mongondow Masa In Tanaa

^30-34 Ngara tumuot kon kotá in Yerusalem in mopuḷú bodoyowá komintan. Dindingnea opat kon batúannea ukurannea in doyowa noribu bo doyowa nogatut bo ḻima nopuḷú nometer, bo toḷu in bonawangnea. Batúan in bonawang sinangoian podudui in tangoi tobatú in suku in Israel. Bonawang mita kon utuan sinangoian Ruben, Yohuda bo Lewi; bonawang mita kon dinding kon dotá in pomukaan in sinangoian Yusup, Benyamin, bo Dan; bo inta kon dinding kon dotá in toḷatan oyúon in tangoi mita tanaa: Simeon, Isakhar bo Zebulon; bo inta kon dinding dotá in toyopan sinangoian Gad, Asyer, bo Naptali.

YEHEZKIEL 48:30 Mawu Ofanana

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

YEHEZKIEL 42:11

Kon tayowon in gopotnea mita oyúon in lorong inta notongkai in lorong kon dotá in utuan. Ukurannea in notongkai, batangannea in notongkai, bo ngaranea mita in notongkai doman.

YEHEZKIEL 45:6

Koḻikud in butá inta motusi tatua, musti poyotondíon in tongosilai in butá inta kobanatnea mogatut bo doyowa nopuḷú bo ḻima noribu nometer bo kooḷadnea in doyowa nopuḷú bo ḻima noribu nometer, sin pomiaan kon kotá tobatú inta motaau pogutunan i inekadon nongkon bangusa in Israel.

YEHEZKIEL 48:16

Kotá tatua in mustibí motonggopat, pomuḷoi in sínea kobanatnea in doyowa noribu bo doyowa nogatut bo ḻima nopuḷú nometer.

WAHYU 21:16

Kotá tatua notonggopat, ḷanggó bo ḷobennea in notongkai. Malaekat tatua nogukur kon kotá tatua takin tungkud pogogukurnea tatua. Inukur monik dá doyowa noribu bo opat nogatut nokilometer; Koḷoben bo koḷantudnea in notongkai in koḷanggónea.